شكاوي التعليم

اين البدل النقدي يا وزارة التربية والتعليم في سوهاج

السيد وزير التربية والتعليم والسادة كبار الدوله اية المطلوب منا الان احنا فى حيره من اللى بيحصل معانا هنا الولا المرتب لا يكفى وراضين ولكن لما يجى وترفع عنا بدل النقدي فى ظل الظروف اللى هى زفت يبقى دا اية طيب اطلع امتحانات الثانوية العامة ويتم الصرف بع 6 شهور دا ان صرفنا ولما اشال عن الرف تقول الموظفة فى مديرية التربية والتعليم بسوهاج انا اخدت الاستمارات معى البيت ولحد امتى تعذبونا وعيزين نطور العتليم لا ارجوكم طوروا انفسكم اولا طور الادارة طور النظام ثم يطور المعلم بكده لوحده اكتب وعارف ولا حد بيسال لكن غصب عنى محتاج للبدل النقدى اللى جا فى ظل ظروف زى الزفت طاب اروح لمين ولاحد بيسأل نفسى واحد مسئول يخلينى احس انى بكتب شكوى ويسال ويحقق معاى ارج عاوز واح يسمعنى

الدولة: مصر | المنطقة او المحافظة: سوهاج

اضيف بتاريخ: Wednesday, December 1st, 2010 في 05:37

كلمات شكاوي المواطنين: , , , , , ,

2 رد to “اين البدل النقدي يا وزارة التربية والتعليم في سوهاج”

  1. الاسود
    20/12/2011 at 19:11

    بصراحة كده الوزارة دى لازم تتلغى لانها لانافعة الطلبة ولا المعلمين اصلها بقت وزارة الاداريين اللى بييجو يتمنظرو علينا ويمشو ومش فاهمين حاجة فى اى حاجة وبصراحة انا الان اقول ولايوم من ايامك يامبارك لانه احتم المعلم واعطاه حقه وجاءت الثورة وركبت اللى يسوى واللى مايسواش عليه احذرو من نفاذ صبر المعلم

  2. التنداوى
    05/12/2010 at 20:32

    زميلى المعلم – الموضوع ده عايز وقفة مننا جميعا ؟ هما كل سنة بيعملوا عملتهم فى البدل النقدى يضيفوه فى الاول و بعد كده يستخسروه فينا ؟ ده حقنا و التأخير مش فى صالحنا احنا المعلمين و لكن فى صالح الدولة لما تأخره تقدر تستفيد منه فى اعمال اخرى فى فوائد و عوائد من البنك او البوستة او مشاريع اخرى و بعد ما يستفيده منه و ياخدوا فوائده يوزعوا البدل النقدى باسر رجعى – دى لعبة و اتكشفت خلاص ؟ المهم نلاقى حد يسترد حقوقنا حرام عليكم و حرام عليك يا زكى بدر – دا انت لو شفت المعلم مقصر شويه فى اى حاجة بتعمل مصيبة و انت كلك تقصيرات قيم نفسك كويس و حاسب نفسك كويس يا بدر و ادينا حقنا بل و ابسط حقوقنا دى فيه ناس بتاخد مرتب لا يتعدى 200 جنيه و المعلم بدرجة معلم و اجتاز الكادر بياخد 500 جنيه بالكادر و البدل النقدى – بزمتك يا وزير التعليم انت بتصرف اد ايه فى اليوم ؟ العامل اللى بيشتغل فى مصر بياخد 2000 جنيه و احيانا بيصل الى 5000 جنيه لو مؤهل عالى زى حلاتنا و احنا بناخد عشرهم 500 جنيه حرام حرام حرام منك لله ..

اترك تعليقاًً أو حلاً لهذه الشكوى


إخلاء مسؤولية: موقع شكاوي المواطنين غير تابع لاي جهة حكومية في اي دولة، ولا يتحمل موقع شكاوي وهموم المواطنين باي شكل من الاشكال المسؤولية عما ينشر من شكاوي على صفحاته، وكل ماهو منشور وما يتم نشره يقع تحت طائلة المسؤولية الادبية والقانونية لمقدم الشكوى وكاتبها سواء ورد في التعليقات او في محتوى الشكاوي نفسها