استغاثة طلاب التعليم الفنى بقويسنا المنوفية

استغاثة من طلاب المعهد الفنى الصناعى بقويسنا محافظة المنوفية
لحد امته هنفضل ساكتين وبنتفرج على التعليم الصناعى اللى بيضيع

علشان التعليم الصناعى فى خطر .
علشان الفقير ملوش مكان فى المعهد .
علشان مش لاقيين الامكانيات الى توصلنا لحلمنا .
علشان اللى ضحوا بحياتهم عشان نعيش من غير كوسة ولسه مش شايفيين تغيير .
علشان لازم نقول الحق ولو مرة واحدة فى حياتنا .
علشان و… علشان كل دة لازم يتغير

ودى مطالبنا وأملنا أن يستمع لنا أحد المسؤليين

1- وضع قوانين جزرية لتطوير المعهد والتعليم فيه والاستفتاء عليها من الجميع وسرعة العمل على تطبيقها وبطريقه عادلة وعلى الجميع .
2- وجود سكن للطلبة المغتربين ويكون تابع للمعهد .
3- اعادة النظرفى درجة أعمال السنة لعدم استغلاال الطلاب .
4- الشدة فى محاسبة المسؤلين على نسب النجاح والرسوب .
5- الاهتمام بالكتب الدراسية للاستغناء عن المذكرات الاخرى .
6- الاهتمام بالتعليم الصناعى لأهميته فى بناء الدولة اللى هى بضيع دلوقتى ومحتجانا .

أحنا لسة بنتعلم منكم يترى هتعرفوا تعلمونا وتعلمونا صح ولا نشوف حد تانى يعلمنا ومش مهم يعلمنا ايه المهم اننا نتعلم صح
ودا رأينا وكلنا ممكن نمضى ونختم على الورقة دى عشان تعرفوا اننا عايزيين نتغير ونتعلم بجد ومحتاجين منكم المساعده اللى هى مفروض عليكم انكم تقدموها ودا حقنا وتقدموها بجد .
واحنا مش عايزيين منكم غير حقنا .

أنا عارف ان المسؤلية كبيرة ومش سهلة وعارف ان فيه خطة تعليم بس اللى أقدر أقوله ان دا مش قران وممكن يتعدل ويتغير كمان ولازم كل واحد يعمل اللى عليه ويراعى ربنا فينا ومش مطلوب منه غير كدا وأكيد هو أكبر من ان أعرفه كل ده.