برجاء الحقونا فين الرقابة الموضوع هام جدا
توجد صيدلية بشارع أبو العلا بالمنيرة الشرقية امبابة الجيزة ( صيدلية الدكتور حمدى أحمد )
فقد قمت بشراء مضاد حيوى لابنتي 6 سنوات وبعد رجوعى للبيت والحمد لله قبل بنتي ما تأخذ الدواء نظرت الى تاريخ الصلاحية وللاسف الصلاحية منتهية من 5 شهور ورجعت فى نفس الوقت للصيدلية علشان أشوف المصيبة دى فقال لى المسئول أن هذا الدواء سارى لمده 6 شهور بعد انتهاء الصلاحية فسألته أين الدكتور فقال لى غير موجود فسألته اين الدكتور حمدى أحمد صاحب الصيدلية فقال لى مبيجيش هنا فسألته أنت دكتور قالى لا
ده واحد معاه دبلوم تجارة ( بياع ) ومفيش دكتور بالصيدلية
* طيب ده لو قرأ الروشتة غلط وأعطى دواء غلط لمريض يبقى الوضع اية ؟
* ولو مريض مبيعرفش يقرأ أو راجل أو ست كبيرة ونظره ضعيف وأخذ دواء غلط أو منتهى الصلاحية الوضع يبقى اية ؟
أنا بناشد المسئولين يا جماعة الناس هنا غلابة جدا ومعهاش ثمن الدواء ولو خدوا دواء غلط أو منتهى الصلاحية شوفوا انتم وضع المريض ده هيبقى اية ؟
اللى عايز يتاجر يتاجر فى اى حاجة تانية بس مش فى صحة وحياة الناس ,,,,,,,,,,,, وشكرا
عمرو محمد خليل
