شكاوي الاتصالات

انقطاع الحرارة واهمال سنترال الفيوم

ما الذى بمكن ان يصالحنا مع المصرية للاتصالات و يخلى المسؤلين عنها يعاملونا كبنى اّدمين و لو لمره و بعدها نموت و كلنا فخر بان عندنا شركه واحده فى مصر بتحترمنا و تقدرنا – اللى بيحصل ده حرام من المصريه للاتصالات فى الفيوم – كلنا كان عندنا خطوط ايام ما ضحكوا علينا و ركبوا لنا خطوط ب 900 جنيه و باعوا لنا الهوى – ورضينا لمدة عام و لا اتنين ذقنا خلالها كل المرار اللى فى الدنيا من حراره ما بتجيش – لفاتورة تكويك ولا الشطه – ثم طلع علينا بعض مسؤوليها فى التليفيزيون و الراديو و احيانا فى احلامنا و قالوا لنا ما تزعلوش مننا احنا ها نريحكم اخر راحه و ها نخليكم تتكلموا على كيفكم و باقل الاسعار و النت ها نخليه يزيد و يفيض و تكبوه فى الشارع – فرحنا و قلنا زغرتى يا ام العيال – و يا فرحه ما تمت – بعد ما ركبت الخط رقم 0846780640 لم يعمل كتجربه الا بعد معاناه خدت حوالى شهر – ثم اشتغل شهرين علشان النت – وبعد كده حلف بالطلاق ما عدت تشوفنى و لا عدت تسمع صوتى و ادينى بابعت همستى لاى مسؤول منهم لعل و عسى – و احنا برده تحت امرهم – وخليك مع………. لحد باب الدار

الدولة: مصر | المنطقة او المحافظة: الفيوم

اضيف بتاريخ: Sunday, December 28th, 2014 في 21:53

كلمات شكاوي المواطنين: , , ,

اترك تعليقاًً أو حلاً لهذه الشكوى


إخلاء مسؤولية: موقع شكاوي المواطنين غير تابع لاي جهة حكومية في اي دولة، ولا يتحمل موقع شكاوي وهموم المواطنين باي شكل من الاشكال المسؤولية عما ينشر من شكاوي على صفحاته، وكل ماهو منشور وما يتم نشره يقع تحت طائلة المسؤولية الادبية والقانونية لمقدم الشكوى وكاتبها سواء ورد في التعليقات او في محتوى الشكاوي نفسها