شكاوي الصحة

اهمال التأمين الصحي بشبين الكوم لمرضى فيروس سي

وزارة الصحة : انا مريض بفيرس سى وقمت بالتسجيل على موقع اللجنة العامة للفيروسات وقمت بتقديم التحاليل بتاريخ 29-9-2014 بمستشفى شبين الكوم التعليمى بمحافظة المنوفية وانتهيت من اجراءات الملف بتاريخ16-11-2014 وقالو لى انتظر تليفون على اسمك ما يجى من مصر وتم الاتصال بى وقمت بالتوقيع على قرار العلاج بمستشفى شبين الكوم التعليمى بتاريخ 21-12-2014 ( علاج ثنائى) وقالو انتظر تليفون لأخذ العلاج من مستشفى الهلال بشبين الكوم لأن اسمك هيصرف من التأمين الصحى ومنذ ذلك التاريخ لم يتصل بى (اكثر من شهر)على الرغم ان نظرائنا بالقاهرة الذين بدأو اجراءات الكشف بعدنا بشهر ونصف تم صرف العلاج لهم منذ شهر تقريبا .فهل المواطن بالمنوفية درجة ثالثة وبالقاهرة درجة اولى ارجو الرد على شكواى هذة والسلام عليكم ورحمة الله
موبيل 01091578808

الدولة: مصر | المنطقة او المحافظة: القاهرة

اضيف بتاريخ: Tuesday, January 27th, 2015 في 16:20

كلمات شكاوي المواطنين: , , , ,

2 رد to “اهمال التأمين الصحي بشبين الكوم لمرضى فيروس سي”

  1. الحسينى محمد
    13/10/2015 at 06:08

    المفروض زى الفئات المميزة انا صرفت مليم على العلاج استردة ولا هو ومبانى ضيقة عشان تطفش الناس وخلاص حرام عليكم اللى بتعملوة فى المعلمين ده تحت اسماء مسميات غريبة أنتم كنتم فين واحنا فين احنا المعلمين بنشكل عقول صغاركم ولانجد الا كل تعنت منكم روحوا زروا مستشفيات المنوفية والمستشفى اللى بتقول عليها واسمها مستشفى الهلال للتأمين الصحى بالمنوفية ومعهد الكبد بشبين ومستشفى شبين الكوم التعليمى وعيادة التأمين الصحى ببركة السبع روحوا وشوفوا

    الواقع امامكم وماتقولون وتتلقون من تقارير باهته حاسبوا من يرفعها لكم

    حرام عليكم اهتموا بنا

    اهتموا بالمعلمين

    اهتموا بصحة المعلمين

    اهتموا بالمرضى

    انزلوا وشوفوا الناس دى على ارض الواقع لييه سايبينهم

    مش معقول تتركوا المنوفية كلها صحيا كده

    بالعربى حقى ومش هأفرط فيه ولاأتنازل عنه أن أعالج زى الفئات المميزة فى مستشفيات مميزة مع صرف العلاج بنفس اليوم إحنا مش عبيد عندكم

    أنا دخلت اليوم على لجنة الفيروسات الكبدية – بمستشفى التأمين الصحى بالمنوفية

    وجدت عضو اللجنة فعلا بيتصل بأحد المرضى يبلغه ان يحضر لتناول السوفالدى الممنوع عنى لأنى عندى استسقاء وجهت له الشكر واخبرنى عن قرب تدشين صفحة على النت باسم لجنة الفيروسات الكبديه_مستشفى الهلال للتأمين الصحى بشبين

    للتخفيف عن المرضى ومتابعه كل جديد بدلا من تحمل مشقة الذهاب الى شبين مثل حالتى

    وبعدين لازم تتصل على زى ماشفتك اليوم بتتصل على المرضى

    ولاتتركونا لمهب الريح قولوا نعمل ايه تانى

    بعد صدور قرار العلاج وموجود القرار اطلعت عليه بنفسى 26/7/2015

    معلقا خارج مقر لجنة الفيروسات الكبدية بمستشفى الهلال للتأمين الصحى بشبين الكوم مع عدم اعطائى السوفالى لوجود محاذير عشان عندى استسقاء ماهو انتم انا معاكم من شهر 24/9/2014 السبب فى وصول حا لتى الى هذا الحد كنت طوال سنه كاملة بتعذبونا بالتحاليل برة وجوة ومن حسابنا الخاص وجايين فى الاخر تأخروا العلاج وكمان عند نهايه الطريق تركتمونا والكلام موجه للجنه الفيروسات الكبدية بمستشفى التأمين الصحى بشبين الكوم ولاقولتوا نروح فين غير تابع مع طبيب الباطنة اللى متابع معاه برة عشان الحالة تظل مستقرة الى حين وصول علاجات جديدة فين فين تصريحات بتاعتكم على الصحف ولا هى المنوفية منسية

  2. ابو احمد
    03/02/2015 at 20:54

    قمت بانهاء اجرائات الملف الخاص بفيروث سي حيث انني f4 واستلموا الملف في حميات بنها بتاريخ 23/11/2014 وقالوا ان الملف ذهب للتأمين الصحي ببنها وعندما سألت في التامين اللجنة المخصصة لذلك قالو لم يأتنا شئ وسوف نتصل بك عندما يصل القرار فيما الانتظار هو احنا مش بشر ارجو الرد وشكرا والسلام عليكم ورحمة الله تعالي وبركاته

اترك تعليقاًً أو حلاً لهذه الشكوى


إخلاء مسؤولية: موقع شكاوي المواطنين غير تابع لاي جهة حكومية في اي دولة، ولا يتحمل موقع شكاوي وهموم المواطنين باي شكل من الاشكال المسؤولية عما ينشر من شكاوي على صفحاته، وكل ماهو منشور وما يتم نشره يقع تحت طائلة المسؤولية الادبية والقانونية لمقدم الشكوى وكاتبها سواء ورد في التعليقات او في محتوى الشكاوي نفسها