اهمال سفلتة شارع الفرقان بالمقطم القاهرة

شارع الفرقان بالمقطم محافظة القاهرة..شارع محتاج انه يتسفلت انهاردة قبل بكرة لاسباب كتير..منطقة عمرانة بالسكان كلها عربيات داخلة خارجة لما عربياتنا باظت..اما الدنيا بتمطر والله ما بنعرف نمشي..ولو في حبة هوا بتلاقي بيوتنا بقت كلها تراب
احنا في موجة الجو اللي فاتت والله كانت العربيات بتغرز في الطين وكأننا في ريف ولا قرية مش في حي المفترض انه حي راقي ومحترم..تعالو شوفوا الشارع دلوقت هتلاقوه كله طين مع ان المطرة كانت من حوالي ٣ ايام
الرحمة لاننا مش قادرين علي المعيشة وكمان مش هنقدر كل شوية نغير في عفشة عربياتنا ومش هنقدر نجيب عربيات الماني ولا چيب عشان تستحمل اللي شايفنه ده
الرجاء الاهتمام لان حياتنا مش ناقصة صعوبات ومصاريف بسبب الاهمال.. احنا عايشين بالعافية مش ناقصين