مأساة موظفين العقد 55 يوم فى السكه الحديد

رسالة لرئيس جمهورية مصر العربيه
ولوزير النقل والموصلات .
رسالتى تختصر فى حلم , حلمى وحلم أهلي بسيط
انا شوقى ناجى دويدار السن 24 سنه بشتغل فى نظام 55 يوم فى السكه الحديد طنطا بمحافظة الغربية تطوير المحطات يعني نشتغل 55 يوم ونفصل 5 ايام ونرجع نجدد عقدنا ويا يتجدد يا ميتجددش .
قصتى بدأت بعد ما خلصت الجامعه ساعتها دورت على شغل وزى العاده ملقتش شغل ابويا دور معايه وحاول يشغلنى فى السكه الحديد الى هو موظف فيها بقاله 38 سنه راح لسكتير النائب اكتر من ست مرات واخر لما تعب اترجاه انه يشغلنى فى 55 يوم قاله انت عندك اتنين هناخد واحد بس اختارنى انا وبالفعل اشتغلت فى تطوير المحطات المسمي الوظيفي عقد مؤقت 55 يوم بس الحقيقه شغال مرمطون عند المهندسين الى انا المفروض زيي زيهم مشغلنى اجبلهم عيش واخلصهم مصالحهم الشخصيه وأسافر اجيب ورق يعني شغال ساعي يا سعت الريس وكل شهر اقبض 200 جنيه بزمتك دا يرضي مين ولو قولت لا مش هعمل هتوقف عن العمل ترضي ان ابنك يتهان فى الدنيا دي ويبقى اسموا شغال وهو مش شغال وغيري كتير فى نظام 55 يوم ومتمرمطين اكتر منى فى الورش وعند المدرين وبنشوف السيرقات بعنينا وعمرنا ما نقدر نتكلم احنا بلناش دعوه بالحجات دي كل الى بحلم بيه وأهلى بيتمنوه انى اتثبت انا شغال من 2013 يا سعت الريس انا مظلوم فى الشغل دا نفسى في شغل حكومي يأمن مستقبلى ومستقبل اولادي ويسعد أهلي نفسى احس انى فرض من البلد دي إنسان محترم الناس بتحترمه مش بدوس عليه اهلي هيعملوا ايه اكتر من الى هما عملوه كتر خيرهم …
برجاء النظر فى مشكلتى