شكاوي الاتصالات

استغاثه من ظلم شركة كريستال عصفور

اغيثونا فقد وقع ظلم عظيم علينا
انا مهندس شاب اعمل فى شركه كريستال عصفور – شبرا الخيمه فوجئت فى 20/8/2011 بانهم قاموا بطردى من الشركه وذلك بسبب
مرضى –الوسواس القهرى- فى ظل الظروف التى تمر بها البلاد من ركود
اقتصادى وبرغم انى قضيت فى خدمتهم 6 —ست سنوات ولم يقوموا خلالها
بتنفيذ قرارمجلس الوزراء الصادر بعد الثوره بتثبيت ذوى العقود المؤقته وبرغم
انى مرضت بهذا المرض اثناء عملى معهم

ولذلك استغيث بكم لانى ليس لدى احد الجا اليه الا انتم
بعد الله سبحانه وتعالى
والله المستعان على ما تصفون
احمد سعيد خليفه عثمان

شاهد ايضاً شكاوي متعلقة على موقع شكاوي المواطنين:

Advertisements
الدولة: مصر | المنطقة او المحافظة: القاهرة

اضيف بتاريخ: Tuesday, August 30th, 2011 في 03:13

كلمات شكاوي المواطنين: , , , ,

24 رد to “استغاثه من ظلم شركة كريستال عصفور”

  1. عامل عصفور
    13/11/2013 at 09:31

    يقوم وليد عصفور بتصفية العمال عن طريق انهاء تعاقدهم وذلك لان معظم العمال بعقود سنوية المشكلة أنه اصدر قرار بانهاء عقدهم بعد ما تم اصابتهم بالغضروف نتيجة العمل على ماكينات المصنع التى تدمر العمود االفقرى واصابة بعض العمال بالربو نتيجة الدخان المتصاعد من ماكينات المصنع وزيادة نسبة الرصاص بالدم نتيجة المكونات المستخدمة فى صناعة الكريستال كما ان هذه الامراض وتغطى العامل سن الثلاثين لايتيح له فرصة العمل فى اى مكان اخر والموضوع محتاج دعم الحكومة السريع للعمال المظلومة حتى لا يزداد بطش وليد عصفور بالعمال

  2. ابو محمد
    10/11/2013 at 23:15

    الاخوة الزملاء ………..السلام عليكم
    أنا أعمل بالشركة منذ سنوات ويشهد الله على كلامى أن أ/وليد رجل فاضل وهو خير خلف لخير سلف وأظن الشركة تحتاج لمن يخلص لها الأن بعد أن أعطت أبناءها الكثير ووقفت بجانب صاحب الظروف الصعبة منهم
    ولا تقوم الشركة بإجراء واحد غير قانونى والجميع يعلم ذلك فلا داعى للتشويش من البعض ومحاولات الهدم التى ستؤثر على الاف البيوت …..قليل من العقل ياسادة ..اتقو الله

  3. bosy
    05/03/2013 at 23:36

    برجا الرد ت 01018616300

  4. bosy
    05/03/2013 at 23:34

    انا بقالى 4 سنوات بقدم فى شركة كريستال عصفور وكل مااسال الرد يكون احنا محتاجين عاملات مش موظفات كان الشركة حالها واقف ومش محتاجين غير عاملات طب اعمل اية فى شهادة البكالوريوس والدبلومة والان بحضر الماجستير
    طيب اجيب مينين شهادة الثانوية العامة لكى اشتغل عاملة

  5. محمددياب عواد محمدسالم
    05/01/2013 at 01:47

    السلام عليكم ورحمة الله وبركاته اريد عمل بشركة كرستال عصفور بالمعاش بالقوات المسلحه حاصل علي فرقة القفز بالمظلات وفرقة صاعقه عندي 33 سنه اريد عمل بعقد في مجال الامن وعندي درايا وتكتيك وملم بمعرفة الامن بالمنشاءات والافراد وشكرا

  6. حسبى الله ونعم الوكيل فى المهندس محمد مهدى
    16/12/2012 at 18:31

    انا اصبت بغضروف عنقى وقطنى بسبب العمل الشاق والمجهد اللى فى الشركه ولان يعاملونى اسوء معامله لكى اتلرك الشركه ولكن ليس لى مهنه اخرى ولن اقدر على عمل شىء بسبب مرضى

  7. عامل مصاب
    06/09/2012 at 19:34

    اصبت بلشركة ولكن العمل الخفيف لا يصل لمستحقيةمثل الدعم لا يصل لمستحقية
    الاعمال الكتابية اعمال كثيرة خفيفة لكن مش للتعبانين بجد الموظف والمهندس
    اخزو صالحية اكثر من الازم على حسب هواهم العامل السليم يرتاح اما التعبان او المصاب
    زهقو عشان يمشى دة مش راى ا وليد دة راى الموظف والمهندس اسوا ما فيهم انهم يتظاهرو
    بلتدين ولما عامل يقول دا كزا ولا المفروض كزا ياااااااااااا ادنيا تقوم وتقعد انت
    مالك نفز الاوامر مع ان لو حد عندة ضمير يقتنع بس الكبرياء وحسبى اللة ونعم الوكيل

  8. محمود
    30/08/2012 at 21:07

    انا عامل جلي بعد العمل في شركة كرستال عصفورسنتين خرجت من غير ما يتم صرف راتبي الشهري وكانت كل مستحقتي عبارة عن 1083ج وقالي مافيش ليك صندوق زمالة عشان مااشتغلتش 5سنين وعايز تشتكي روح اشتكي طيب عايز اخلاء طرف ما فيش هو دي اسلوبنا وهي دي طرقيتنا

  9. محمود
    30/08/2012 at 21:02

    انا اسمي محمود انا لم يتم صرف القبض بتاعي من كرستال عصفور عشان اقدمت استقالتتي وكل مستحقاتي بعد سنتين ولية 45 يوم شغل عندهم كانت عبارة عن ورقة فيها 1083وربع فقط لا غير

  10. نبيل
    18/07/2012 at 18:43

    السلام عليكم ورحمة الله وبركاتة انا كنت اعمل فى الشركة لمدة 8 سنوات والله العظم تعبت وجالى ضروف وعملت العملية ورضيت تانى ولما جيت ائول ليهم انا محتاج عملية تانى مشونى من الشركة معاش وكنت واخد سلفة من الشركة لظروفى لان مكونتش بأبض حاجة واكان المرتب -100 جنية يعنى علية مائة جنية وتركم الفلوس علية مع السلفة باجمالى خمسة الف جنية ولجات لشيخ مصبح قال لى انشاء الله هجبهملك من الشركة ومرت الايام ولم يجبلى شئ والمبل اللى اخطتة من الشركة صرفتة فى العملية بعد مخرجت واصبحت اعانى من ازمة فى الدونيا ومعى 3 اولاد ومعاش 314 جنية حسبى الله ونعم الوكيل انا اسمى نبيل عبد الحليم عبدالله 01112078949

  11. محمود ابراهيم نصر جاد
    31/05/2012 at 11:38

    بسم الله الرحمين الرحيم انا كونت شغتا في عصفور بهتيم بقلي 5 شهوره وانفصل بسباب الغيب بس نفسي ارجع تاني لو سمحتو حل في حل

  12. اسلام
    14/04/2012 at 05:03

    السلام عليكم ورحمه الله وبركاته اولا انا مشكلتى ان مفيش مشكله عندى الحمد لله احب ان اشرح لكم الظلم الذى وقع عليا من خلال العاملين بالعيادة من الشركه انا اشتغلت فى عصفور بهتيم لمدة 5 شهور وانفلصت بسبب ان ابنتى كانت تعبانه وكانت تبلغ من العمر 8 شهور وكنت بجنبها وتغيبت ولم احد يقدر ظروفى التى لا ذنب فيها كل من عند الله احمدة عليها والحمد لله فتح باب العودة مرة اخرى وقدمت ودخلت الكشف الطبى وظهرت التحاليل وقالوة لى ان انا عندى روماتيزم اتعالجى 3 شهور وتعالى قدمى تانى خوفت على نفسى روحت للدكتور باطنه وقلب قالى انت مش عندك حاجه الحمد لله روحت وعرفتهما اللى الدكتور قالى عليها قاله مش ينفع مهم كان لازم بعد3 شهور راضيت بنصبى والحمد لله وعدى ال3 شهور ورحت تانى دخلت الكشف الطبى قاله لى ان انا عندى عيب خلقى ازاى اذا كان اللى بيتكلم اهبل اللى بيستمع عاقل هل يصدق هذا ازاى دخلت اول مرة وتانى الكشف خلص لولا التحاليل من غير عيب خلقى حد يرد عليا اعمل ايه عيب خلقى يعنى معايا من ما اتولدت مكنتش دخلت اول مرة وبعدين الحمد لله انسانه طبعيه جدا الحمد لله طبعا المفروض ان الشركه مش بتظلم حد امال انا ليه اتظلمت وبعدين كنت بحب شغلى جدا وكنت بيجيب نسب كويسه جدا الحمد لله لولا الظروف الحمد لله بالله عليكم حد يرد عليا اللهم انى اسالك رد القضاء ولكنى اللطف فيه

  13. الجنزورى
    26/03/2012 at 18:40

    والله انا ما شوفت بحياتى كلها ظلم شكل ظلم عصفور فهذا المصنع ليس فية مكان للشرفاء حسبى الله ونعم الوكيل على كل ظالم بيقطع عيش حد

  14. مجهول
    02/03/2012 at 20:18

    ارجوكك انظرو الى حيات العمال البسطاء (الذين معهم اطفال فى المدارس ( فا الحياه صعبهاانظرو الين لو نظره بسيطه ( ياحج وليد انت رجل ملتحى نفذ كتاب الله)احنا مش لاين نكل)

    احنا لس ابضين امس خرجنهخم ديون ورحمة الحج خميس لوله معز عندك فكهاعلى العمال! احنا كل لا
    مانفتكر ايام الحج خميس نترحم عليه (اناعمل وانا بعمل غياب كتير علشان المترب مابيكفيش)

    ( اعبرنا ولدك لواردتنى اصعد مجلس الادرة)

  15. عمال الشركه
    25/02/2012 at 19:25

    السلام عليكم الى عمال شركة عصفور
    الغلطه الوحيد لصاحب الشركه الحاج وليد انه نزل زياده لناس وناس لاء
    مع ان الناس دى كانت تستحق الزياده ولاكن فى الول والاخر الارزاق بيدى الله
    والمهم اننا نعوض ده بالشغل بضمير وربنا عليه العوض واكيد حيوعوضنا
    واحنا كنا فى الاول الشركه الوحيد الى كانت بتاخد حقوقنا كامله ايام الحاج
    خميس رحمة عليه وياريت الحاج وليد يراجع حسباته ويقدر يكمل المشوار الى بدأ
    فيه والده الله يرحمه واتمنى انه يعرف ان الجزاء من جنس العمل واحنا شوفنا
    الحاج خميس مات فى البقيع لانه كان رجل صالح نتمنى نشوف الحاج وليد زيه
    والله الموفق وهو المستعان

  16. المهدى
    25/02/2012 at 19:09

    الاخوه الزملاء
    الحج وليد كان سبب من الاسباب الى نقلنا ب30%الى نزلها العام الماضى على المرتب الاساسى
    مفيش شركه عملت كده. العيب الوحيد ان هو نزل زياده لناس وناس لاء والناس مع العلم
    انهم كانوا يستحقوا الذياده والارزقاء بيدى الله وياريت كل واحد يعمل الى عليه ويشتغل
    بضمير ……… والله الموفق وهو خير الرازقين

  17. ميكانيكى جلى الى قديم
    12/02/2012 at 21:37

    السلام عليكم ورحمه الله وبركاته امابعدما اريد ان اقول ان اتقوالله يجعل لك مخرجا ويرزقق من حيس لاتحتسب وقدامرادينناالحنيف بتقواالله واتقان العمل وهذاللاسف لايوجدعندناالان لبعداعن الدين وعنالانتماء لهاذاالصرح الذى شيدناةمنذسنوات ب الجهدوالعرق من ايام المغفور له باذن الله تعالى الحاج خميس عصفور والى اليوم مع خلفة المبارك الاستاذوليدعصفور فئرجومن كل العاملين فى الشركه الاخلاص لله ثم الشركه واصحبها حتى نخرج بها سالمه غانمه من هذة المحنه التى تمر بها البلاد…والله الموفق والمستعان

  18. شحتة
    19/12/2011 at 01:30

    انا كنت اعمل لمدة تسعة سنوات فى الشركة ولما تعبت لم ينقلونى الى عمل خفيف وكانت النهاية انى قدمت استقالتى

  19. العار
    26/11/2011 at 08:45

    من العار على اى احد ان يتمسك بمن يتركة والعقد شريعة املتعاقديين فلا تلوم الا نفسك لانك قبلت ذلك.ومن الطبيعى أننا فى حال عرض وطلب فعند الحاجة اليك تكون مطلوب والعكس صحيح وهذا امر منطقى فى ظل الاجواءالحالية

  20. ابن الشركة من الجيزة
    19/10/2011 at 23:12

    فني من داخل الورش عصفور 3 انترناشونال

    تم الجميل والخير يا استاذ وليد وتم فتح عقد الذي تم 5 سنوات فى الشركة من بداية عصفور 1 من أول ما اتبنت الافران 30 طن وتغيير فرن ال 13 نحن تعبنا وشقينا فى المصنع وكان أملنا الوحيد وسبنا بيوتنا وأهالينا واتغربنا وسكنا بجوارالمصنع بسبب حبنا للمصنع والخير الذي عم علينا والله الموفق وجعلك عونا لنا

  21. عامل جلي
    16/10/2011 at 11:32

    اذا كان واحد مش محافظ علي اكل عيشه عايز الشركه تعمل ايه معاه ؟

    والناس اللي وقفت عن العمل وبتخسر الشركة وطلبت استاذ وليد يقف معاهم في الشارع بره ورفض ووقف داخل الشركة معاهم واتكلم عايز الشركة تعمل ايه لعمال محرضه عايزه تخرب بيوت 30 الف اذا كان اتفصل في نهاية عقدهم كام واحد مش مشكله علشان 30 الف يلاقوا شغل ويفتحوا بيوتهم عايز تقف لاعن العمل وتقبض ولا ايه؟؟؟؟ حرام عليكم ماحدش لاقي شغل .

  22. عايز اعرف السبب
    14/10/2011 at 03:04

    انتا بتقول الشركه مش بتظلم حد فيه صح وقنونى والكلام ده كله ماشى معاك ليه الناس فى ورديه بليل قسم 2 بتحديد لم وقف عن العمال وقال عيزيز وليد يجى تمام وبعد كده فصلتو العمال الى ظهرت فى الكاميره بتاعت الامن علاشان بتكلام فى الحق مشتوهم ليه مفكرتيش فى العامل ده فتح بيت ولا حياته فيه ايه وسنه وصل كام سنه وهينفع يشغل برهفى اى شركه او ورشه حته هل سنه فى حد هيقبله فى اى حته اصلا لو احنا ظلامين الشركه مننا لله وانتول لو ظلامين منكو لله انا اسف لو كلامى فى غلاط املاء

  23. زميلك في العمل
    09/10/2011 at 08:34

    اخي المهندس احمد

    بعد التحية

    انا زميل لك بشركة كريستال عصفور ونحن نعرف سبب عدم تجديد عقدك وان الشركة لم تفصلك ولكن عقدك المؤقت انتهي قانونا ..وانت اشتكيت في مكتب العمل المختص فأفادوك ان موقف الشركة قانوني ….اخي لااريد ان اخوض في السبب الحقيقي لعدم تجديد عقدك ولكن اعلم ان الله سيحاسبك عما تكتب …فكن صادقا مع نفسك اولا ولاتظلم الشركة ….

  24. manar
    08/10/2011 at 20:56

    مهندس احمد
    السلام عليكم
    انا ابضا اعمل فى كريستال عصفور منذ 6 سنوات وقد رأيت منها من الخير ما لم اره فى شركه اخرى من رعايه اجتماعيه وصحيه واهتمام بشكاوى العمال (فما بالك بالمهندسين) كما لم اعهد منها اى طرد لاى عامل او موظف دون وجه حق . بل على العكس الكثير من العمال والموظفين يخطئون والشركه تسامحهم وتعطى لهم اكثر من فرصه للاصلاح كما انها تقوم باعمال خيريه على نطاق واسع جدا (وانت تعلم ذلك) وذك كله لاتقاء وجه الله فقط فما بالك بأقرب الناس اليها وهم موظفيها وعمالها.
    كما اننى اعرفك فأنت مهندس مجتهد ومنطوى فى عملك واعتقد انك لم تتحق جيدا من سبب طردك( ان حدث )او ان كان يوجد خطأ ولم تحاول توضيح موقفك او التشبث بما تراه حقك وخاصه انك تعلم ان مكتب الحاج وليد نفسه(صاحب الشركه) مفتوح فى اى وقت لاى مشتكى
    عليك ان تتأخذ الطريق المباشر لطلب ماتراه حقك (طريق الاداره)وانا اعلم جيدا كما انك تعلم ايضا انه ان كان لك حق فى شركه عصفور ستنال منها افضل مما تتوقع فأذهب الى الطريق الصحيح لطلب الحق

    والله الموفق

اترك تعليقاًً أو حلاً لهذه الشكوى


إخلاء مسؤولية: موقع شكاوي المواطنين غير تابع لاي جهة حكومية في اي دولة، ولا يتحمل موقع شكاوي وهموم المواطنين باي شكل من الاشكال المسؤولية عما ينشر من شكاوي على صفحاته .. وكل ماهو منشور وما يتم نشره يقع تحت المسؤولية الادبية والقانونية لمقدم الشكوى وكاتبها سواء ورد في التعليقات او في محتوى الشكاوي نفسها