شيماء من أرق وأجمل ما يكون شيماء بنت زى اى بنت كانت بتحلم بحياه سعيده مع أسرتها الصغيره شيماء عندها ولدين زى القمر عمار وأحمد وكان اخوهم التالت جاى فى السكه وكانوا مستنينوا بفارغ الصبر شيماء راحت تولد ومكنتش تعرف انها آخر مره هتشوف فيها أولادها مشيت من غير ماتودعهم وتودعنا احنا الحمد لله مؤمنين بقضاء الله بس لازم الناس تاخد حذرها شيماء مشيت على مستشفى الموت مستشفى الفرات دكتورة ابتهال عبد المعطى محمد وأنا أشك انها دكتوره المستشفى رعايه زفت مفيش اهتمام شيماء كانت بتتألم من الطلق والممرضه مرضيتش تديها كرسى تقعد عليه ولاتنام على السرير حتى قالت لوالدتي مشيها شويه وتعالى وشيماء كانت واقعه من طولها من شده الوجع والتعب والدكتوره ملهاش اى وجود وسايبه ممرضات يعاينوا الحاله فى منتهى الاستهتار والدتي صرخت فى الدكتوره وقالتلها بنتى تعبانه جدا الحقيها حرام عليكى راحت تولدها وهى بتولدها فصلت المشيمة عن الطفل وبحر دم نزل من شيماء فقررت تدخلها غرفه العمليات تولد قيصرى وطبعا الولد توفى وهى شالت لها الرحم وقطعت شريان فضلت تنزف من المغرب لحد الساعه 12مساءا ونقلتها على عربيه إسعاف على مستشفى الجلاء لأن طبعا المستشفى مش مجهزه طبعا شيماء دخلت المستشفى شبه ميته بس الناس بصراحه قاموا بالواجب طلعوا من بطن شيماء 4فوط شيماء احتاجت 30كيس دم شيماء الكلى توقفت عن العمل وانزيمات الكبد عليت شيماء نقلناها مستشفى القصر العينى وكان عندنا أمل فى تحسنها لكن الاسف من كثره نقل الدم الدم وصله ميكروب و تدهورت حاله شيماء وشيماء توفت بعد 10ايام معاناه شيماء كانت زى الورده المفتحه ضيعتها دكتوره ابتهال منها لله الدكتورة / ابتهال عبد المعطى محمد ليها عياده فى منطقه البراجيل احذروا منها وحذروا كل إلى تعرفوه وفى صوره من تقرير المستشفى الجلاء ،انا طالب منكم سرعة ايقاف عيادة الدكتورة / ابتهال عبد المعطى محمد العنوان / طريق البراجيل امتداد احمد عرابى امام مسجد مطاوع فوق حلوانى الصياد
حتى لا يتكرر ماساه شيماء برجاء سرعة التحقيق عشان نجيب حق بنت خالى واختى وعشان غيرها ميتحطش فى نفس الموقف وأسالكم الدعاء لها بالرحمه ).
مقدمة من :
محمد عرفة عثمان محمد
