من: تامر حسن عبد الفتاح
المؤهل: ماجستير أدارة أعمال
الوظيفة: صاحب سلسلة مطاعم البيك
ألي: السيد المحترم/ محافظ القليوبيه
العنوان: قرية الشوبك-مركز شبين القناطر-محافظة القليوبيه
موضوع شكوتي يتلخص في ان أمام منزلي في قرية الشوبك كانت تمر ترعه صغيره وتم تغطيتها من قبل سيادتكم وبعد ذلك تحولت ألي مقلب زباله كبير وتأذيت وأهل بيتي من الرائحه الكريهه والحشرات والباعه الجائلين والأكشاك وخلافه وتوجهت أكثر من مره للوحده المحليه لطلب تشجير هذه المنطقه لحمايتي وحماية البيئه مع العلم اني اقوم بتسديد رسوم خفيه لهذه المنطقه بالضرائب العقاريه منذ أكثر من ثلاث سنوات وكان الرد أكثر من مره سنخاطب وزارة الري ولكن بدون جدوي حتي أصبحنا لا نطيق العيش في المنزل من الزباله بخلاف المشاكل اليوميه مع الجيران واهل القريه بسبب القاء الزباله علي الصرف المغطي امام منزلي وبعد قراءة قانون الري جيدا وبعد التوجه لهندسة الري التابع لها القريه وقراءة المنشور رقم ٥ لسنة ٢٠٠٢ والذي يصرح بحدائق فقط علي الصرف المغطي قمت بتأجير لودر وعربه نقل وتنظيف المكان جيدا امام منزلي وزراعة أشجار صغيره وغير مثمره تسمي الدادونيا وبعض اشجار الفل والياسمين في حدود منزلي وقمت بتحويط الأشجار ببعض الزوي لتحمل الأشجار وبعد عناء ١٥ يوم أصبح المكان في غاية الجمال وهو منفعه عامه للجميع ففوجأت بالبحاري المسؤل عن الترعه(ترعة الجبسه) بعد الأنتهاء من تشجير المكان يقوم بقياس المكان فسألته قال لي أيه التهريج ده ممنوع تستغل أملاكنا!!!!!! قولتله يافندم دي كانت مقلب زباله ومازالت بعد وقبل منزلي مقلب زباله ودي حاجه جميله للمنطقه قالي شيل كل اللي عملته ده وتعاللنا ونشوف ربنا هيعمل أيه قولتله يافندم انا جتلكم وقولتولي ان سياده الوزير مانع اي اعمال غير الحدائق وانا معملتش اكتر من كده عاوزني ارجعها مقلب زباله تاني فغضب وتركني فتوجهت الي هندسة الري ففوجأت أنه كتب أني اقوم بعمل جراج سيارات فطلبت بكل هدؤ معاينه فوريه من فضلك يافندم اعملي معاينه فطلب مني اعادة الشئ لأصله فتعجبت وقولتله أشيل الشجر والزهور وأنقل الزباله تاني احطها قدام بيتي !!قالي والله دي املاك الدوله قولتله يافندم خد عليه كل التعهدات والشروط اللي تناسب الدوله للمحافظه علي نظافة وجمال المكان والمحافظه علي مشروع الري المغطي فرفض وقال لي معاك اسبوع تشيل الحديقه دي ممنوع اي اعمال علي املاك الري !!! قولتله يافندم دي حديقه زي مهو مكتوب في المنشور اللي علي مكتب حضرتك قالي عن طريقنا يباشا!!! قولتله يافندم انتو سيبنها من عشر سنوات مقلب زباله!!!قالي ده شغلنا وهعملك محضر!.
من فضل سعادتك يافندم النظر في شكوتي وحد يرد عليه يقولي ايه الغلط في اللي عملته عن طريق الأيميل او التليفون ٠١٠٠٠٢٧١٢١٧
لسيادتكم جزيل الشكر
تامر حسن
from my iPhone
