نيابة دراو، محافظة أسوان:
١- فى ٤ يونيو ٢٠١١ ، صدر قرار تمكين بأسم خطء هو حسين محمد. لتصحيح الأسم، طلب منى سيادة المستشار المحامى العام لنيابات أسوان بهاء الوكيل المحترم، ان أوكل محامى خاص، لتصحيح الأسم فقط، ليه؟ معرفش، وكْلتْ محامى اسمه احمد محمد جمال سويس المحترم ، تقاضى ١٠٠٠جنيه ولم يفعل شيئ، تخلصت من المحامى احمد محمد جمال المحترم، إتغير الأسم فى ٩ مارس ٢٠١٣، من غير محامى محترم اوغير محترم .
٢- فى ١٧ مارس ٢٠١٣ ذهبت لنيابة دراو، لكى أستلم قرار التمكين، لقيت نيابة دراو سلمت قرار التمكين لواحد معرفوش، مشفتوش، مقبلتوش، موكلتوش، اسمه الأستاذ المحامى مصطفى محمود قناوى المحترم.
السؤال :
١- ليه نيابة دراو اصدرت قرار بأسم غلط؟
٢- ليه المحامى العام لنيابات اسوان المستشار بهاء الوكيل المحترم، طلب محامى خاص لتصحيح الأسم؟
٣- ليه الأستاذ احمد محمد جمال المحامى المحترم قبل على ولاده ١٠٠٠جنيه حرام.
٤- ليه نيابة دراو سلمت قرار التمكين لواحد معرفوش، مشفتوش، مقابلتوش، موكلتوش، اسمه المحامى مصطفى محمود قناوى المحترم؟
٥- ايه عرَّفْ الأستاذ المحترم مصطفى محمود قناوى بقرار التمكين الصادر بأسمى؟ وعلى أى أساس قانونى أستلم قرار التمكين؟ وعمل ايه المحامى مصطفى محمود قناوى المحترم، بقرار التمكين؟ وايه مصلحته ؟ ومين قاله يستلمه؟ ومين فى النيابه سلمهوله؟ وعلى أى أساس؟ وببلاش ولا مش ببلاش؟
٦- هل هذا فساد ولا من غير فساد؟ وقد ايه حجم الفساد؟ ومين الفاسد، ومين الى بيغض الطرف عن الفساد، وبيغض الطرف ليه ببلاش ولا مش ببلاش؟
وإذا كان رب البيت بالدف ضارباً، فشيمة أهل البيت الرقص. يا ترى مين رب البيت فى اللى حصل نشتكيله .
٧- وحرامى الأثار والذهب حسين احمد عابدين، ما زال يستمتع بما سرق من المنزل.
والكون ده كيف موجود من غير حدود.
و فيه عقارب ليه و تعابين ودود.
عالم مجرب فات و قال سلامات.
ده ياما فيه سؤالات من غير ردود.
عجبي !!!
مين المسئول نشتكيلوا، اسمه مين، عنوانه ايه، ياولاد الحلال دلونى، من اجل مصر افضل، من اجل مصر أطهر ، من اجل مصر أنظف، من اجل رب يرضى علينا، وكفايه فساد، والعفن زاد.
