نقدم شكوى عن مدير مكتب التموين بميدان المطرية الذى يعطل مصالح الناس وكلما ذهب له مواطن يخبره بان الورق غير كامل ويرسله الى مكتب اخر (كالخارجة او الشيخ غراب)ولا يشعر بتعب المواطنين ومعانتهم وحاجتهم الى التموين …فقد مضى الكثير فى تحويل التموين من المسلة ثانى الى المسلة اول ورغم ان الاسم قد نزل فى مكتب المسل ةاول ومضى الكثير نستلم التموين من مجمع الاستهلاكى بالمطريةالا انه عندما اصبح الاستلام بالبطاقة الذكية يقولون ان الاسم لم ينزل بعد وانه لابد التسليم بخطاب من هذا الموظف (سيد) الذى بدوره لا يساعدنا…اخيرا تحجج بان الرقم القومى فى البطاقة الذكية غير مطابق للرقم الذى هو مسجل على الكمبيوتر
شكاوي التموين
شكوى عن مدير مكتب التموين بميدان المطرية
الدولة: مصر | المنطقة او المحافظة: القاهرة
اضيف بتاريخ: Sunday, November 28th, 2010 في 05:24
كلمات شكاوي المواطنين: الخارجة, الشيخ غراب, القاهرة, المطرية, شكاوي التموين, مصر, مكتب التموين, مواطن, ميدان المطرية
أريد أن أعرف عنوان مكتب تموين المسلة ثان ارجو الرد بسرعة
بسم الله الرحمن الرحيم
بص يا باشا
عشان البطاقه الذكيه تشتغل معاك لازم يحصل 3 حاجات
الاولى عليك وهى انك تكون مجهز الورق اللازم وتروح مكتب التموين اللى انت تابع له وتعمل التحويل على الورق اذا كنت استلمت البطاقه الذكيه او لو معندكش بطاقه ذكيه يبقى بتقدم طلب لاصدار الجديد.
الحاجه التانيه انك بعد ما تخلص المرحله دى المفروض عليك تروح لمكتب البريد اللى انت تابع له عشان يعملك التحويل على البطاقه الذكيه او بتقدم له طلب الاصدار الجديد اللى انت عملته فى مكتب التموين
و بعد ما الموظف فى البريد يستلم منك الاوراق ويعملك التعديل على البطاقه الذكيه
فى الحاله دى بيحدد الموظف فى البريد مهله بعدها تروح على تاجر التموين اللى بتصرف منه
يبقى انت كده مهمتك انتهت.
الحاجه الاخيره دى على التاجر اللى انت بتصرف منه التموين (المفروض ان المهله اللى حددها لك موظف البريد دى بتكون عشان التعديل اللى تم على البطاقه بتاعتك يكون وصل للماكينه اللى عند التاجر)
لما تروح للتاجر وتلاقى باردو ان البطاقه بتاعتك مش شغاله يبقى لازم تعرف منه امتى هييجى له موظف شركة البطاقه الذكيه عشان يعمل له تسويه او يعمل تحديث للماكينه اللى عند التاجر.
بعد كده يبقى البطاقه بتاعتك هتشتغل من غير مشاكل ان شاء الله
اما بخصوص النقطه بتاعت ان الرقم القومى غير مطابق للى على البطاقه الذكيه و دى ليها احتمالين
الاحتمال الاول
ان فعلا البطاقه الذكيه اللى معاك وحتى لو عليها اسمك انها مش بتاعتك حتى لو تطايق الاسم و اسم التاجر و عدد الافراد يبقى فى الحاله دى المفروض عليك انك ترجع البطاقه اللى معاك وتقدم على طلب اصدار جديد ببطاقة الرقم القومى بتاعك
والاحتمال التانى
ان يكون الرقم القومى اللى على البطاقه الذكيه بتاعتك اوله 5 من على الشمال
وده رقم عشوائى اتعملت به البطاقه الذكيه وفى الحاله دى ينفع تستخدمها عادى ومفيش مشاكل او انك تقدم باردو على اصدار جديد بالرقم القومى بتاعك.
لو عندك اى استفسار انا ان شاء الله موجود.