متظلم من شرطة نجدة طنطا محافظة الغربية

بسم الله الرحمن الرحيم
يا تري وزارة الداخلية يتعتبر المواطن المصري لسه له حقوق ولا لأ؟ ده سؤال بسيط انا بطرحه لأن اللي حصل معايا بجد مش عارف اوصفه اسمحولي ان اطيل قليلاً
البدايه تروسكل يمر من الشارع ثم يقوم بخبط سيارتي المركونه في الشارع والمغطاه وعندما انزل اجد بعض البلطجيه يقفون بجانب السياره وعند التكلم اجد من يهب ومن يشب ومن يسب وفجأه اختفو من امامي ثم في خلال 5 دقائق اجد امامي كتيبه من البلطجيه مدججه بالاسلحه البيضاء تهجم علي انا واشقائي امام السياره وبعد ان اصابوني واشقائي بعدة جروح فررنا من امامهم الي مدخل العمارة الخاصة بنا وقمت علي الفور بالاتصال بالنجده والحمد لله بعد حوالي 5 دقائق جائني الرد ويا له من رد فبعد انتظار ان ترد النجده وبعد انتظار ان يأتيني الغوث يرد علي مستقبل المكالمه في نجدة طنطا يقول لي (تعالي اعمل ليهم محضر في قسم اول طنطا )فكانت المفاجأة علي صعبة عندما اخبرته ان البلطجية مترصدين لي ولأخوتي ولا نعرف طريق اخر للخروج من المنزل فكان الرد (لما يمشو ابقا تعالي اعمل محضر ) فلم اجد بدا من ان اقول له يعني انزل وانضرب بسكين ولا سيف من الموجودين مع البلطجيه في الشارع علشان اجي اعمل محضر فكانت الرد بكل بساطه اطلع علي الناصيه وعربية النجده هتجيلك فكان ردي ما انا لو عارف اطلع علي الناصيه كنت طلعت وكمان انا من طنطا من شارع رئيسي يعني العنوان ما يتوهش والكلام ده كان الساعه 8.20 مساء ومتلقي البلاغ من نجدة طنطا ادعي ان اسمه محمود مش عارف بقي ده فعلا اسمه ولا لأ والبلاغ ده النهارده 17/10/2013 يعني علشان اكون محدد وبعد جدال مع متلقي بلاغ النجده استقر ان يرسل سيارة النجده علي ان ينتظرها احد الافراد علي اول الشارع .
والحمد لله لم تصل النجده حتي الان والاهالي اتدخلو وفضو الموضوع والنجده لم تصل الي الان
فيا تري ممكن اكرر سؤالي مره تانيه يا تري انا لسه ليا الحق في طلب النجده ولا لأ يا تري ايه اللي ممكن اقوله علشان يهتمو بالبلاغ ويا تري هقدر اخد حقي من المتسبب في ضياع حقي
ياريت حد يرد عليا
طبعا انا الحساب بتاعي موجود علي الفيس بوك وده مش اسم مستعار والتليفون اللي اتصلت منه علي النجده رقمه 01144891508 وانا اسمي ابراهيم زيدان
وشكرا