تظلم من قرار ادارى لجنة املاك الدولة بكفر الشيخ

عام 1996 فوجئنا بموظفى مصلحة املاك ابوغنيمة يمسحون العزبة سالناهم خير بتعملوا ايه ؟ قالوا لنا الدور دى مش بتاعتكم ده هى ملك دولة قلنا الله
لما هى ملك دولة ما اخذتوش تمنها من آبائنا وأجدادنا منذ عام 1914 كما هو موضح على خريطة المساحة ليه ؟
قالوا ده احنا هنربطها بأثر رجعى من سنة 1990 وبالفعل تم ده دفعنا الايجار من سنة 1990 حتى اليوم وقالوا لنا تانى سنة 2010 ممكن تشتروا الدور الى ورثتوها عن آبائكم وأجدادكم اعملوا طلبات شراء وقدموها للوحدة المحلية بمدينة سيدى سالم ونفذنا مجبرين الطلبات وفوجئنا بخبر نزل على الأهالى كالصاعقة المتر ب 200 جنيه يعنى القيراط 35000 جنيه ومحدش قادر يدفع حاجة من المبالغ دى قعدنا نسألوا القرى المجاورة لقناهم شاريين المتر سنة 1997 ب 10 جنيه للمتر فشكونا للسيد المحافظ السابق والأسبق دون جدوى احنا بنتظلموا من قرار اللجنة لأنه لم يراعى الظروف الاقتصادية والاجتماعية ولا الفترة الزمنية ولا مدة وضع اليد ولا أشياء أخرى كثيرة .
لذلك نرفع تظلمنا هذا لسيادتكم لرفع الظلم عن الأهالى الساكنين بالقرية منذ أكثر من 100 عام اى قرن من الزمان وظروفهم الاجتماعية والاقتصادية متدهورة للغاية فأغلبهم ممن يعيشون بمعاش ضمان اجتماعى لا يكفى العيش فقط وتفضلوا سيادتكم بقبول عظيم الاحترام وخالص التقدير …
مقدمة لسيادتكم / عبد الفتاح محمود البربرى