اليوم كان عندي شغلة في احد قطاعات البلدية في مدينة حلب وشفت الفساد بعي
يعني شي غريب وعجيب الدنيا خربانة والعصابات المسلحة معبية الدنيا والمفروض انو الموظفين والمسئولين عم يساعدوا الدولة للقضاء ع الفساد بس هنن عم يستغلو هالفوضى وعم يزيدو الطين بلة بدل ما يحسنو معاملتون مع الشعب ويبلشو فعلا بالاصلاح صار مثلا الاستاذ رئيس قطاع بلدية حلب الجديدة السيد عمر هشوم المحترم الموقر بتأجير غرف داخل القطاع ويسرق المازوت من السيارات الحكومية ويبيعها ويفيش الموظفين انا اليوم شفت واحد من هدول المفيشين بالصدفة وهو حكالي قلي (( انا صرلي سنة ما عم داوم عم بعطيه للأستاذ عمر 10000 ليرة وما بجي طاول ))
يعني والله العظيم شي بخجل وين الدولة وين المسئولين يعني معقول النظام مو شايف هل ناس لا مو هيك بس في موظف هنيك اسمو عبدالقادر بيقولولو ابو بشار يعني هاد والعياذ بالله حسيت حالي عم احكي مع شي للواء او شي عماد يعني فعلا ساعة وانا عم احكي معو وهو مو شايفني يادوب عم يفاصل الناس ع سعر المي الي عم يبيعا بدل ما يغسل فيا الشوارع هي دائرة حكومية من نوع فريد وكل هالشي بعلم المدير لانه متل ما بيقول المتل يا بخت من استنفع ونفع اياسلام نحنا عم نموت من العطش والاستاذ عم يبيع المي وبحط بجيبو كأنو الحكومة حارمتو من الراتبوعاطيتو الكرت الاخضر ليعمل ما يحلاله هي المي المفروض تنشطف فيا الشوارع الاستاذ عم يبيعا والله العظيم جوات القطاع في شي 3 عائلات ساكنة وكلون مستأجرين من رئيس الدائرة مو عيب حسبنا الله ونعم الوكيل انا بتمنى من المسئولين يروحو ويشوفو بعينون ويشوفو هل موظفين والموظفات شو عم يخبصو مع بعضن وكانه هالقطاع ملهى ليلي اوبيت دعارة مشان ماتقولوا اني عم بالغ بتمنى تروحوا وتشوفو كلشي بعيونكن
مقدمة من :
حسان عدنان
