شكاوي الصحة

سوء المعاملة بمستشفى الجلدية والجزام بالعمرانية الجيزة

ذهبت اليوم 14/12/2013 الى مستشفى الجلدية والجزام بالعمرانية محافظة الجيزة وبطلبى للموظفة اللى معاها الدفتر وهى ايضا موظفة الحسابات قالتى لى المواعيد انتهت وعندما اخبرتها بان الساعه ما زالت 12.45 قالت لى احنا هنمشى علشان انتى مش شايفة الجو قلت لها باننى موظفة ايضا وكلنا ملتزمون بمواعيد وكملن انا عانيت ببناتى الثﻻثة حتى اصل بيهم للكشف وباننى ارى 2 من الدكاترة امامى فقالت لى دول طلعوا معاش خﻻص طب لية لبسين البلطو اﻻبيض وبيعملوا اية . المهم قمت باخراج كاميرا التليفون وقمت بتصويرها وانا بطلب منها التذكرة راحت مطلعة دفاتر من درجها وقالت لى انا بشتغل اهو وحاولت تتهجم وتاخد التليفون وبردة مرديتشى تخلينى اقطع تذكرة رحت قلت ليها انا هعمل ليكى محضر فى القسم على امتناعك راحت قعدت تزغرط وكل دة متسجل وبالفعل انا ذهبت الى قسم العمرانية وعمل محضر رقم 8343 ادارى انا معرفشى اسمها ولم تعتدى علية ودة انا كتبتة بس رجعتنى انا ووﻻدى من غير اكشف على بنتى الكبيرة غير سوء المعاملة وضيعت عليةة اليوم الوحيد اللى اقدر اقضى فية مصلحى علشان اجازة من العمل واجازة مدرسة البنات . انا هتابع وسوف اخد صورة من المحضر واقوم بتقديمة الى وزير الصحة علشان دية المعاملة مع الناس كلها فية اللى بيدفع ﻻى حد من الممرضات اضعاف التذكرة ويدخل وفية اللى بيسلم امرة لله يقول حسبى الله .اتمنى يكون عندكم الرد علية .شكراااا

اضيف بتاريخ: Sunday, December 15th, 2013 في 13:19

كلمات شكاوي المواطنين: , , ,

3 رد to “سوء المعاملة بمستشفى الجلدية والجزام بالعمرانية الجيزة”

  1. nashwa
    23/02/2014 at 02:48

    اسم الموظفة ابتسام نرجو المتابعة من الوزارة لسوء المعاملة

  2. منى محمود
    21/12/2013 at 22:31

    انا كمان بعانى من سوء المعاملة المشكلة ان الدكاترة عادة بتسوف اللى الموظفة بتعملة وبالذات المدير وعادى …عارف انة طالع معاشى فبيمشى امورة والله حرام علية علشان هيتحاسب على كل دة يوم الحساب .حسبى الله ونعم الوكيل فى المدير وكل اللى بيشتغل فى المستشفى ومبيرديش ضميرة.اللى بيروح اى مستشفى او اى وحدة صحية وبالذات لما تكون حكومية اكيد بيكون بيعانى مش رايح يدلع .اتقوا الله فى الناس .تابعى يا وزارة الصحة .

  3. ام البنات
    17/12/2013 at 00:49

    سوء المعاملة فى مستشفى الجلدية دية بيتم على مراى ومسمع من مدير المستشفى يجب ان يكون فية اشراف من وزارة الصحة عليهم سواء فى المواعيد وقطع التذتمر واﻻهم معاملة المرضى معاملة انسانية … نرجو اﻻهتمام علشان المشتشفى بتخدم قطاع كبير من المرضى .

اترك تعليقاًً أو حلاً لهذه الشكوى


إخلاء مسؤولية: موقع شكاوي المواطنين غير تابع لاي جهة حكومية في اي دولة، ولا يتحمل موقع شكاوي وهموم المواطنين باي شكل من الاشكال المسؤولية عما ينشر من شكاوي على صفحاته، وكل ماهو منشور وما يتم نشره يقع تحت طائلة المسؤولية الادبية والقانونية لمقدم الشكوى وكاتبها سواء ورد في التعليقات او في محتوى الشكاوي نفسها