السيد رئيس مجلس الوزراء المحترم
يافندم أحنا سكان شارع احمد جبر-منشيه البكرى-الشعبيه-المحله الكبرى-محافظه الغربيه
يافندم نرجوا ارسال وفد تحقيق ومتابعه لرفع الظلم الواقع على أهالى سكان المنطقه من رجل الاعمال صلاح السجاعى الذى قام بغلق الشارع اللى ورانا والشارع كان طوله 600 متر ولا تستطيع سياره اسعاف او مطافى ان تدور فى هذا الشارع لابد من رجوعها 600متر للخلف بكامل الشارع وحاليا اشترى قطعه ارض كبيره على اول شارع احمد جبر ب2مليون جنيه وقام بالتعدى على املاك اراضى الدوله من ارض اراضى الري اخذ حوالى 60 متر بلا اى وجه حق ونفس التعدى ده عمله فى مصنعه قام بردم المصرف والساقيه وجاب رجال باسلحه وضربه نار وقام بالبناء
حاليا يقوم على نقل كشك الكهرباء فى الشارع لمنطقه اخرى وسوف يقوم بغلق الشارع وهذا الشارع لايوجد فيه مخرج من ناحيه اخرى وسوف نصبح مسجونين فى هذا الشارع
علاوه على ان هذا الشارع يوجد بيه مخزن للدقيق غير مطابق للمواصفات الخاصه بالتخزين لانه لايوجد به تهويه علاوه على شبه بيع الدقيق المدعم لانهم بيحمله دايما فى اوقات ليليه او صباحيه وكل يوم تأتى ترله وتغلق الشارع فى عمليات تنزيل الدقيق المدعم الذى يستمر يوم بالكامل والباصات بتاعت المدارس مش بتعرف تدخل الشارع تجيب الطلبه من تحت البيوت وسيارات الاهالى مش بتعرف تدخل او تطلع لان الشارع ملوش غير فتحه واحده وبالاضافه الى اسطول السيارات الذى يملكه صلاح السجاعى وبيركنهم على اول الشارع وحاطط ايده على المنطقه كلها باستغلال النفوذ والمال بالله قام بردم المصرف بتاع الرى وقام بالبناء على املاك الدوله ووزاره الرى لا تمانع فى ذلك
حسبى الله ونعم الوكيل اهالى الشارع يستغيثون باصحاب المناصب العليا فى مصر وتوجيه المسؤلين والوزراء والاعلام لرؤيه الظلم وغلق الشوارع والتعدى على املاك الدوله من اراضى وكهرباء ومخازن تستأجر بلا ضرائب فى هذه المنطقه العشوائيه
