الى السيد وزير العدل انقذونا من المأذونين فى فاقوس بمحافظة الشرقية عاملين ليهم مكتب بجوار محكمة فاقوس وبيقول ده تبع الدوله وكل ما واحد يروح لهم يكتب كتلب يقولولو روح ادفع بالمكتب ورسوم المكتب الطاق 10 مرات عن الاول بمعنى ان المسمى بيننا 600 +50 طابع يعنى 650 + 50 جنيه كل واحد من العروسين يعنى 100 جنيه يعنى الاجمالى 750 جنيه وهما نفسهم الى بيعملو الشهاده وبيقلك فى وشك هات 100 جنيه وملكشى دعوه وبيعملها ب 10 جنيه وبيحط الباقى بجيبه ومعروف ان رسوم المسوى بيننا فى المحكمه 2 جنيه والورق 25 والطابع 50 والكلام ده حضرتكم عارفينو اكويس جدا يبقى المجموع 77 من 750 =673 فى كل كتاب ينكتب حرام ده ولا حلال فى وقت اننى اعرف ناس بتاخد 180 جنيه من الشؤن الاتجتماعيه وعايشه بيهم وعندنا مأذون من اول سنه اشترى فدان ب 350 الف من دم الناس والمشكله الاكبر ان الدوله بتساعد هؤلاء على الطغيان والافترا على الناس والمكتب ده ليه الدوله ووزارة العدل مش بتراقب عليه وانا اسمعت ان الى رافع الاسعار دى مأذون من المأذين كل الكتابات الى عندو مسمى بيننا ارجوك يا وزير العدل ان تحكم بالعدل فى هذا الموضوع وتقفل هذا المكتب مكتب الجشع وظلم الناس بمسمى روحو ادفعو للدوله هيه الى عاوزه كدا وبيتلزقو فى الحكومه روحو ادفعو للحكومه لكم جزيل الشكر اهل فاقوس
شكاوي المواطنين المصريين
ضد مأذونين فاقوس محافظة الشرقية
الدولة: مصر | المنطقة او المحافظة: القاهرة
اضيف بتاريخ: Sunday, May 4th, 2014 في 19:38
كلمات شكاوي المواطنين: الشرقية, محافظة الشرقية, مصر, وزارة الاوقاف
أخى العزيز الشاكى بعد التحية السلام عليكم ورحمة الله وبركاته نحيط علم سيادتكم أن الماذون الشرعى مهنة فى خدمة الناس جميعا فى حل مشاكل اهالينا وفى الافراح ايضا وأنة لايتقاضى أجر من المحكمة وأنة الموظف العام الوحيد لايتقاضى مرتب او معاش او تامين صحى أو خلافة وأنه المحكمة تلزمة بتحصيل فلوس للدوله بدون اى امتيازات وبالتالى لابد أن يدفع الرسوم الخاصه بالزواج او خلافه والدفاتر والضرائب وكثير من الرسوم الذى لايعرفها الكثير من الناس فانة بالتالى عندما يقوم الاخ المأذون بعقد قران سيادتكم فانة يقوم بعمله باكمل وجة ويسهر ليكتب وثيقه الزواج بخط يده بدون اخطاء ويذهب ليسجلها بالمحكمة ويدفع الرسوم ويذهب ويسجلها بالسجل المدنى ويرجعها لك موثقة بدون اخطاء فانه ليس بالقليل أن يتقاضى أجر على هذا العمل الذى يظن البعض أنه يأخذ هذه الاموال كلها بجيبة هذا بالنسبة للمأذون أما بالنسبة للرسوم فى رسوم محدده عايز تعرفها اذهب الى اقرب محكمة لك وأعرفها وزود عليها 120جنية ضرائب وثمن الدفتر وأجرة الرجل الغلبان المظلوم من الناس ومن الدوله وفى كثير من المأذيين لاعندهم فدادين ولا حتى عربية واحد زى حلاتى ماشى بما يرضى الله ورسولة ومبياخدش ازيد من حقى وفى كثير من زملائى افضل منى بكثير
الحل لهذه المشكلة (ان يتفضل السيد المستشار معالى وزير العدل بقرار ان يتقاضى المأذون راتب من الحكومة حتى ولو اقل مرتب لموظف عام بالدوله وياريت حضرتك انت حدده وقلهم اعطوا المأذون مرتب كذا فى الشهر وحضرتك تذهب الى المحكمة تدفع رسوم الزواج المقررة وتروح الضرائب تدفع الرسوم المقررة مع ثمن الدفتر والطابع ايا كان او متدفعش على راحتك بس طلب واحد وحيد ياريت تجيب ورقة من المحكمة ان انت دفعت رسومك أو المحكمة قامت بإعفائك من دفع المصاريف وكذلك الضرائب والطابع وتمن الدفتر بعد ذلك لو حد فى المأذيين قالك هات شلن واحد انا اللى هنقف ضد زميلى ونشتكيه وهيكون من حقك الشكوى..
ورساله الى أخوانى المأذيين ارحموا اهلينا الغلابة اللى بيكحوا تراب علشان ربنا يباركلك فى عملك وفى صحتك وفى اولادك علشان انت لو تعبت او مرضت ملكش غير ربنا هو الرحيم بيك
والسلام عليكم ورحمة الله وبركاتة
أخوكم سلامة عبدالوهاب سلامه
مأذون بكفرالزيات غربية
01227137784