فخ على طريق ميت غمر بنها

اليوم نجوت من موت محقق على طريق بنها ميت غمر اثناء عودتى من القاهره فى تمام الساعه الواحده صباحا وكا د الاهمام يؤدى الى وفاتى انا وصديقى بالسياره و السبب الاهمال – طبعا لاننسى ان نشكر السيد رئيس الجمهوريه و السيد رئيس الوزراء على جهدهم فى اصلاح الطرق ووضع صبات خرسانه امام المدن و القرى على الطريق ولكن اين متابعه القائمين على تلك الاعمال اليوم فوجئت وانا على الطريق ان الساده المقاولين المحترمين قاموا بحفر نصف الطريق لوضع الخرسانات و دون وضع اشارات تحذيريه على بعد كافى او لوحه فسفوريه يمكن رؤيتها من بعيد والمهم النتيجه انقلابى بالسياره اسفل الطريق فى المنطقه التى بين الطريق والرياح و كان بينى وبين الموت اقل من شعره اذا سقطت بالماء او ارتطمت السياره باحد الاشجار و انقلبت السياره على جنبها و اخرجونى انا و زميلى باعجوبه من السياره و كانت المفاجاه ان الذين اخرجونى اخبرونى انها الحادثه الثانيه خلال ساعات و فى خلال ساعه كنت اقف على الطريق انتظر الغوث من الاصدقاء رايت بنفسى ثلاث سيارات كادت تقع فى نفس الفخ الذى وقعت فيه و عند وصول الاصدقاء اول ما طلبته هو وصع اليافطه التى كانت على جانب الطريق و التى هى عباره عن سهم موضوع على لوح صاج مصدى و الكتابه غير مضيئه و لا تبعد عن الحفر فى الطريق اكثر من متر واحد طلبت نقلها لمسافه ابعد وصلت الى حوالى عشره متر و مع ذلك رايت بنفسى سيارتين كادتا تقع فى نفس المكان حيث ان اللوحه لايمكن روئيتها او رؤيه المكتوب عليهااما بالنسبه لى فتفقدت سيارتى فكان مايلى وهذا هو الظاهر امامى – انفجار ثلاث عجلات نظرا لطبوطها من ارتفاع عالى و ارتطامها بسن الاسفلت – الموتور بينزل زيت و الله اعلم هل من ارتطام الموتور من اسفل ام من انقلاب السياره على جنبها – الرفرف و البابين اليمين منتهين – الله اعلم بالعفشه و اللى حصل لها — طبعا استحال نقل السيره او اخراجها من الخفيه تحت الطريق و ان شاء الله فى الصباح سوف اعمل المعاينه اللازمه و المحاضر المطلوبه ——– و الان السؤال من سيعوضنى عن خطا غيري و الذى كان سيتسبب فى وفاتى وترمل زوجتى و تشرد اولادى —— والسؤال الثانى من اشتكى و لمن لكن اللى مش محتاج سؤال هو انى مش ها اسكت حتى لو ما انصفنيش القانون المصرى و المسئولين اللى اتمنى انهم يتقوا ربنا فينا ها اوصلها لابعد من كده لكن كلى امل فى انصاف السيد الرئيس و السيد رئيس الوزراء و اخر حاجه والله ما معايا اجيب الونش اللى ها يشيل العربيه اجيب فلوس تصليحها منين انا ها اسيبها مكانها و لاول مره احس ان اللى بيقطعوا الطريق و بيوقفوا العمل فى المكاتب و الوزارات لهم حق و اتمنى ما اكونش واحد منهم انا باحب مصر بس مش لدرجه انى اموت نتيجه اهمال