سرقه علنى بميزان بسكول كفر شكر القليوبية

إلى السيد الأستاذ / وائل الإبراشى
إرحمونا نستغيث بكم من ميزان بسكول للنصب وسرقة المواطنين الموجود بجوار كمين كفرشكر .. بجوار مدخل قرية الصفين / مركز كفرشكر / التابع لمديرية أمن القليوبيه على طريق بنها /كفرشكر / ميت غمر / المنصوره . الميزان يعمل فى حماية الكمين .. ويبتز سائقى السيارات النقل المحمله ويجبرهم على دفع 10 جنيهات فأكثر حتى يفتح له الطريق للمرور دون وزن ومن غير وجه حق وهذا اليزان غير قانونى وغير مرخص .. غير أنه على حد علمنا يتبع أحد الرتب أو شخصيه كبيره بتأكل الكل والكل ساكت على السرقه والنهب وفى حماية الشرطه ( الكمين ) إرحمونا وشيلوه اليزان ده إللى مشغلين فيه شوية سوابق وبلطجيه وحراميه .. يارب حد ينصفنا وسنرسل للتليفزيون عشان ييجى يصور السرقه والنهب على غفله من الجميع وكل واحد ياخد حقه .. والله المستعان .. نرجوا الإهتمام .. وممكن تتأكدوا بإرسال مراسلكم ويركب من بعيد عن الميزان مع أى سائق محمل سيارته النقل والقادم من طريق ميت غمر وتكون الكاميرا جاهزه وغير ظاهره ويدور حديث بينه وبين بتوع الميزان على أنه مع السائق ويصمم ميدفعش الوصل المضروب بتاعهم ويطلب تدخل رجال الكمين ومع كل هذا وبعد الإنتهاء سواء كان بدفع النقود أو بعدم الدفع لايظهر حقيقته لأحد نهائياً حتى لايتعرض للخطر .. وهتشوفوا الحقيقه وهتبقى ضربه قاضيه لهؤلاء البلطجيه ومن ورائهم