بدايه الموضوع
طالبه ثانويه عامه نظام حديث
جبت 370،5 من 410 يعني 90،4 تقريبا علمي علوم
عملت تظلم ف 4 مواد و طلعت 14 درجه و يمكن اكتر مش فاكره و كلها اخطاء وااضحه و مباشره جداا يعني م بتلكك علشان اخد درجات
رفضوا اعاده تصحيح الورق و دفعت ال 400 جنيه على
رضيت و والدي قالي ادخل تربيه نوعيه ميت غمر التابعة لجامعة المنصورة محافظة الدقهلية لان هو مش هيستحمل قلق المواصلات و المظاهرات اللي بيحصل ف الجامعات و كل ده هيكون على تجاره و لا اداب و لا حقوق في تربيه نوعيه ف البلد احسن
جاء موعد الرغبات موظف الشئون قالي عايزه ايه قلت تربيه نوعيه موسيقى ميت غمر جامعه المنصورة
بس كان معاد امتحان القدرات لسه متحددش
كتبلي رغبتي و رص بعدها حاجات كتير مكنتش فارقه معايا لاني اعرف انها هتجيلي لانها بتاخد من 58 %
و افاجئ بتجاره الزقازيق في تنسيق الثانوية العامة و ان الرغبه متقبلتش لعدم اجتياز امتحان القدرات
قلت هستنى التحويل الالكتروني
ذهبت الى المنصورة بقى علشان القدرات هاتي 250 جنيه علشان كتاب قدرات لازم اشترريه و ورق و حاجات
دفعت و جبت والاقي الكتاب مكتوب عليه قدرات فنيه و انا موسيقى بس عادي مش مهم ما كل حاجه غلط
روحي الخزنه ادفعي كمان 200 ل معرفش ايه روحت و دفعت و حددت ميعاد امتحان القدرات الاقي الميعاد هيكون باب التحويل اتقفل ساعتها
وكتبت في التحويل تربيه نوعيه ميت غمر ولكن بدون تحديد القسم و قالوا لي اول ما التحويل الورقي يفتح حولي ل موسيقى.
المهم ،، امتحنت القدرات و نجحت و تحويلي اتقبل و قالولي متقدميش ورقك ف الكليه الا لما التحويل الورقي يتفتح لان موسيقى لازم ليها تحويل ورقي مينفعش تحولي من قسم ل قسم يعني مينفعش ادخل اقتصاد او اعلام و احول موسيقى
في مقدمتش ورقي و استنيت التحويل الورقي
بدات الدراسه و الكل نصحني احضر محاضراتي و السكاشن بتاعتي علشان ميفوتيش حاجه و كده كده كل التحويلات هتتقبل اكيد
نفسيتي كانت سيئة جدا لحد ما نزلت اول يوم
المهم نزلت و قابلت زمايلي ف القسم ،،القسم لسه اول سنه يفتح عندنا و احنا اول دفعه ف احنا كلنا على بعضنا 9 بنات ف القسم اصلا
اخدنا محاضرات و سكاشن ست ساعات ف يوم واحد و حبينا الدكاتره و اتحمست جدا لدرجه اني نسيت تعب الست ساعات دول
و قررت يبقى ليا هدف ابقى معيده ف الجامعه و اعمل دكتوراه و ابقى دكتورة
و خلاص فرحت و بابا جابلي بيانو ف البيت و ناي و ريكورد و الدنيا زي الفل و دفع دم قلبه فيهم
قالولي امبارح التحويل الورقي هيتفتح بكره سافري و خلصي ورقك بقى
سافرت و اذا بي افاجئ بأن الموظفين بيقلولي مفيش تحويل ورقي
يعني ايه!!
يعني الوزير قال ان الباب ده مش هيتفتح خالص استني السنه الجايه بقى
ازاي بس ده انا ماشيه تبع الاجراءات و كله تمام و بحضر محاضراتي و مستنياه من زمان !!
هو ده اللي عندي وقفتك دي ملهاش لازمه
مشيت عيطت احبطت كرهت نفسي و جالي حل اخير اني اقدم طلب ل رئيس الجامعه روحت مقر الجامعه الرئيسي و قدمت طلب ل الرئيس و قالولي تعالي الاتنين او التلات علشان تعرفي
طب هاتلي حاجه تثبت اني قدمت طلب ل حضرتك
لا مفيش ،
طيب تمام و مشيت
كلمت وكيل الكليه و قالي انتي بقى طالما علمي علوم قدمي اقتصاد منزلي و خلاص !!!!
انا كنت عايزه طب و صيدله و علاج طبيعي و دي مجاتليش و ملحقتهاش خلاص اشوف حاجه بحبها انا بحب الموسيقى
هي اي كليه و السلام !!! مش المفروض ادرس حاجه بحبها ولا ايه !!
انا تعبت بجد
انا بفتكر منظر موظفه الشئون و هي مبتسمه هي بتقولي مفيش تحويل و بتخبط كفها ف كف زميلتها و بيضحكوا و لا فارق معاهم الاهالي اللي بيعيطوا و المستقبل اللي بيضيع
الحل التاني اني استنى السنه الجايه بس ارجع امتحن قدرات تاني و ادفع مصاريف تاني كل القرف ده و اضيع سنه من عمري
يا كدا يا ادخل اقتصاد و اقول لبابا ولع ف البيانو اللي دفعت فيه دم قلبك ده و ارمي الناي اللي جبتهولي و انسى صحابي و المحاضرات و السكاشن ووالدكاتره اللي ما صدقت انهم فتحوا نفسي على الكلية دي
افتحوا باب التحويل حرام عليكوا متضيعوش مستقبلنا
حالة اولياء الامور و الطلبه مزرية
ولو كان قسم الموسيقى به كثير من الطلبة كنت تقبلت الامر لكن كل طلبة هذا القسم تسعة فقط ؟!!!!!! السكشن بيبقى خاوي
ياريت متبقاش شكوى و السلام ياريت حد يحس بينا ارجوكوا
حطوا اولادكوا مكانا احنا و اتعاملوا على اننا اولادكوا بجد
مقدمة من: امل ناصر محمود السمري
