السيد/ الدكتور وزير الصحة
تحية طيبة
اتقدم لسيادتكم بشكواى هذه حيث اننى اهنت اهانه ليس بصغيرة من طبيب تركيبات الاسنان
توجهت اليوم 12/12/ 2010الى عيادة التامين الصحى قسم الاسنان حيث كان محدد لى يوم الاحد 28/11/2010 وبما ان هذا اليوم كان تجرى فيى الانتخابات وحيث اننى اعمل بالادارة المحلية حى غرب شبرا الخيمة وعملى كمدير ادارة لا استطيع الغياب فى ذلك اليوم والاحد السابق كان يوم الاعادة فى الانتخابات فتوجهت اليوم فاذا السيدة المسئولة لامتنى لعدم حضورى وقامت بابعادى الى يوم 18/1/2010 وعندما تناقشنا سويا على تقريب الميعاد حيث اننى توجهت الى هذه العيادة يوم 9/11/2010 حسب مكان مقرارا لى فدونت فى بطاقتى يحضر بعد اجازة العيد وهذا لعدم وجود اطباء اسنان بالقسم وحددت يوم 28/11/2010 وهذا وافق يوم الانتخابات كما ذكرت
واذا بالسيد الطبيب خالد يقول لى هو ده اللى عندنا وجذب من يدى البطاقة وقال فى شهر 7 وان كان عجبك فرديت عليه لا ده مش منحة من حضرتك فاذا به يرد قائلا لا ده منحة منى ليك واللى خلفوك وعندما اعترضت على كلمة اللى خلفوك بقولى له خليك احسن من كدة فاقترب منى يريد ضربى مع قوله لى انا ممكن ارميك من هنا مشاوا بيده الى الشباك
فتوجهت الى السيد مدير العمليات بالمستشفى لاشكوا له فاذا به لا يهتم بى مع قوله لى انا مش مسئول عنه اللى مسئول عنه الدكتور ربيع فى الخدمات الطبية فتوجهت الى الدكتور ربيع بالخدمات الطبية الذى كان رده لى مش عارف عندما سالت سيادته انا جاى هنا للعلاج ولا اشتم
ولكن تفضل سيادته بقوله انا مسئول عنه من الناحية الفنية لكن الناحية الادبية لست مسئولا عنه المسئول عنه مدير العمليات والطبيب ده هو عايز يتنقل وانا مش راضى انقله وقام بالاتصال بدكتور بمستشفى قليوب لكى يرسلنى هناك ودون هذا ببطاقتى ( تركيبات أسنان قليوب)
وانا ابلغ من العمر 57 سنه ومستشفى النيل بشبرا الخيمة قريبة من سكنى وعملى فهل يعقل ان اتهان ونظير اهانتى اروح مشتشفى قليوب
اتقدم بشكواى هذه لسيادتكم وأأمل من الله ومن سيادتكم اخذ حقى
وتفضلوا سيادتكم بقبول وافر الاحترام
مقدمه لسيادتكم
ابراهيم عزوز نصرالله
حى غرب شبرا الخيمة
ت 0107865474
استاذى الفاضل لوجه الله هو حضرت كنت موجود وايه اللى عرف حضرتك ان انا اتبليت عليه وجعلك تقول ماشى وحضرتك بسالنى هل توجهت الى مدير العيادة ولم ينصفنى اقول لسيادتك فعلا توجهت لمدير العيادة وقالى انا مش مسئول عنه المسئول عنه الدكتور ربيع بالخدمات الطبية وانا اعرف سعادتك انا ايه اللى عرفنى ان الدكتور ربيع هو المسئول عنه لو كنت انا مارحتش لمدير العيادة
حضرتك بتقول انى التزم بالمواعيد لان الدكتور يؤدى عمله بتفانى حضرتك لو قرأت الشكوى كويس ماكنش كتبت كدا لان انا رحت العيادة يوم 9/11/2010 حسب مكان مقرارا لى فدونت فى بطاقتى يحضر
بعد اجازة العيد وهذا لعدم وجود اطباء اسنان بالقسم وحددت يوم 28/11/2010 وهذا وافق يوم الانتخابات فين بقى التفانى اللى حضرتك بتتكلم عنه
واخيرا ايه اللى يخلينى اتبلى على هذا الدكتور وكمان مدير العيادة هتبلى عليه؟
وحضرتك يااستاذ لوجه الله ايه اللى خلاك تقول قلنا ماشى هو حضرتك طرف فى الموضوع؟؟؟؟؟وايه اللى خلى سيادتك متأكد اننى ماليش حق وانا اسال حضرتك هل مفروض على كل من يتردد على اى مستشفى يعلم جيدا بان السادة اللى حضرتك ذكرتهم موجودين قريبين من بعض وفى مكان واحد كما ذكرت حضرتك وهذا كلامك
(طب مدير المنطقة او مدير الشئون الطبية بالفرع او حتى مدير الفرع و للعلم كل هؤلااء في مكان واحد قريب من بعضه) وشكرا جزيلا على اسلوبك الراقى منى ومن امثالى كما حضرتك ذكرت
يعني الراجل اتبليت عليه و قلنا ماشي رايح تنشر على النت اكاذيب و ادعاءات حرام عليك
و أسالك هل توجهت إلى مدير العيادة و لم ينصفك
طب مدير المنطقة او مدير الشئون الطبية بالفرع او حتى مدير الفرع و للعلم كل هؤلااء في مكان واحد قريب من بعضه ده لو سيادتك صحيح لديك حق
لكن طبعا معندكش حق
و الحل انك تلتزم بالمواعيد التي تحكم هذا الطبيب الذي يؤدي واجبه بتفاني
و لاحظ ان الاستشاري سيادتك بتحجز معاد مسبق ب رقم 106 لكن لأن هذا الطبيب الانسان ملتزم
فسيادتك رايح تشتكيه و حسبنا الله و نعن الوكيل في امثالك