اهمال مستشفى الشروق العام بالقاهرة

وزارة الصحة : نداء من سكان مدينة الشروق / مستشفى الشروق العام بمحافظة القاهرة لا تصلح لأسعاف اى حالة طارئة وقسم الطوارء بيقولوا مافيش دكاترة دخل طفل المستشفى حالة طوارىء كان شارب مادة تنر بالغلط وكان ماعندهوش نبض وقابله الدكتور فى الطوارىء بمنتهى البرود وقال لأهله انه مات مما أدى الى زعر الأهل وفازعتهم على طفلهم وللأسف الشديد ان سواق العربية اللى نقلت الطفل كان واقف وهو اللى فوق الطفل ولما فاق الدكتور قالهم روحوا بيه الدمرداش قسم السموم احنا ماعندناش دكاترة هنا / حالة اخرى طفل عنده سنتين دخل المستشفى حالة طوارىء علشان صوابع ايده مكسورة لما قابله الدكتور سأل هو متعور قالوله لأ ده صوابع ايده الأخيرة مكسورة ووارمة قالهم معلش هو مافيش دكتور عظام دلوقتى تعالوا بكرة ولما اهل الطفل زعقوا وانهاروا راحوا عاملين للطفل اشاعة وقالولهم ايوة فى كسر بس مافيش دكاترة انزلوا اى مستشفى تحت فى البلد / السؤال هل مدينة الشروق دى مش فى البلد ؟؟؟؟؟
ولا هو منفى والناس اتنفت فيه ؟؟؟؟ أرجو من سيادتكم الأهمية والسرعة فى اتخاذ القرار اتجاه هذه المستشفى الفاشلة التى لا تحتوى على أطباء ولكن للأسف بها مرضى فقط .