انتفاع موظفي الكهرباء بقرية سندسيس المحلة الكبرى

المشكله كلها فى موظف متفرغ لعمله الخاص بقريه سندسيس مركز المحلة الكبرى محافظة الغربية فى تجاره الادوات الكهربائيه وشغل التركيبات كنوع من الاتاوه على المواطنيين او رشوه مقننه فى مقابل تسهيل اوراق الممارسه الكهربائيه للمبانى الجديده فى الاراضى الزراعيه او التستر على سرقه التيار
واهمال صلب ادائه الوظيفى فى كشف المتهربيين او اناره الطريق اللى هو فى نطاق دائرته طريق المحلة الكبرى كفر الشيخ مظلم دائما ولا تجرى له اى صيانه
حتى الشوارع الداخليه للقريه لا نرى اللمبات المصروفه من الوحده المحليه اما بيوت الموظفيين التابعه للوحده والكهرباء تستطيع التعرف عليها من خلال وجود كشاف مميز امام منازلهم ولانهم ناس مش عاديين حتى رصف الطريق اللى تغضلت علينا به الوحده المحليه ويقدر بالامتار تم رصف الشارع المؤدى لبيت احدهم وترك الشارع الحيوى للقريه باكملها والمار من امام الوحده الصحيه
انتفاع الموظف فى قريتنا لايقتصر على الكهرباء والوحده المحليه ولكن يشمل حتى غفير الدرج اللى وجوده زى عدمه حتى المدرسين وكل الوظائف دون استثناء
واخيرا من كثر الفساد تأقلم البعض عليه واى محاوله للتغيير يتصدى لك اقارب الفاسدين ومنافقينهم
وينالو من سمعه اى شخص يتقدم بشكوى