الى من يهمه الامر: للاسف اول مره اروح البنك من غير واسطه واصريت اني اكمل اجراءاتي دون البحث عن واسطه ذهبت اليوم الى بنك مصر فرع الزقازيق بجوار مدرسه علي ذكي بمحافظة الشرقية بغرض عمل شهادات استثمار لاولادي ومعي الفلوس والاوراق من بطاقتي وشهادات ميلاد اولادي وذهبت الى خدمه العملاء وقالت لي اتفضلي عند استاذه اسماء هناك وبعد البحث عن الاستاذه قلتلها انا عايزه اعمل لاولادي شهادات استثمار قالت لي اكتبي اسمك هنا واستني وفعلا كتبت اسمي في قايمه عريضه عندها وانتظرت لمده تجاوزت الساعه ونص وانا اساسا طبيبه في المستشفى انهكتني اتصالات العمل اللي اتاخرت عليه المهم اني وصلت اخيرا لدوري الحقيقه ان استاذه اسماء مطولتش عليا الفرحه لانها قالت الولاد مش معمول لهم فتح حساب قلتلها حضرتك مسالتنيش ليه من الاول قالت لي ماخدتش بالي طيب والعمل سيادتك قالت لي هتروحي تاخدي رقم وتستني دورك عشان تفتحي حساب طيب يا استاذتي العزيزه ده خطأك انتي مش خطأي انا استحمله انا ليه طبعا نظرت لي بلا مبالاه عرفت سببها لما قابلت أ. انور مديرها اللي قاللي ديه غلطتك انتي ….ايوه يافندم انا المفروض اعرف من نفسي انه بيتفتح له حساب قبل ما اقعد اه اكيد انا اسفه جدا انا المفروض اعرف الاجراءات من نفسي!!!! وطبعا وبعد طابور طويل وصلت والموظفه اللي موجوده طبق الاصل أ. اسماء بصيت في البطاقه وقالت لي ايه ده انتي مولوده بره مصر لازم شهاده ميلادك ياستي انا عميله عندكو من عشر سنوات والبطاقه في ايدك انا جايه اودع فلوس مش هاخد منكو حاجه لاء بردو !!!!السؤال هنا ليه المطلوب ده مبيتقالش للعميل قبل ما ينتظر الطابور الطويل ده ويعطل ناس تانيه في مصالح اخرى السؤال التاني ليه المدير بيصر انه يدافع عن موظفينه وهم مخطئين واخر اهتماماته هو العملاء لان انا شايفه كتير منهم ماشي يكلم نفسه في البنك والسؤال التالت والاهم ليه انا اكمل اتعامل مع بنك بيتعامل معايا ذي ماكون بشتغل عنده رغم اني انا رايحه اودع فلوس لاولادي ….. شكرا واسفه على الاطاله بس حقيقي انا مستاءه من المعامله؟
مروه جمعه محمد عامر
