شكوى في توكيل كيا مصر
ارجو مساعدتنا في وصول صوتنا لكل مهتم ومسئول ومن يستطيع ان يساعدنا في رفع الظلم عني وعن آخرين بيعانوا معايا من نفس الظلم والقهر احنا حجزنا سبورتاج gt line من كيا الاسكندريه فرع الدوان تاون بمحافظة الاسكندرية يوم 23 فبراير على اساس الاستلام اول شهر ابريل وتم دفع قيمة حجز ب50 الف اول شهر ابريل غلوا العربيه 15 الف بحجة الدولار واجلوا التسليم لاول شهر مايو في اول مايو وقبل الاستلام غلو العربيه 30 الف بحجة الدولار مع ان الدولار كان ثابت واجلوا التسليم الى نصف شهر 6 وطلبوا منا دفع باقي مبلغ العربيه يوم 18 مايو وتم حصولهم على المبلغ كامل قيمة العربيه ووعد بالاستلام يوم 15 يونيو وقبل موعد التسليم طلعوا علينا بكدب ما بعده كدب فمدير الفرع اللي انا حاجزه منه قال لي ان العربيه فيها عيب صناعة وتم استدعاءها من دول الخليج والعالم وكان بيدفعني اني اغير لفئه اخرى اقل في الامكانيات بحجة خوفه على مصحلتي لبث الرعب عندي من اجل التحويل لفئه اخرى او الانتظار لشهر ونصف او شهرين او استرداد الفلوس وبالرجوع لاكتر من مدير في التوكيل كل واحد قال لي حكايه واحد قالي ان سبب تأخير العربيه ان المصنع بيصنع الموتور 1600 تربو خصوصا لمصر وده كدب لان الموتور نازل في مصر وكل دول العالم ومدير تاني قال ان المصنع بتاع كيا اللي في كوريا بيعاني من نقص في مواد خاصه بتصنيع العربيه واحنا اكتشفنا ان العربيه دي التوكيل كان ومازال طول فترة حجزنا بيدخلها ويبيعها للموزعين لما كان سعرها اقل من السعر الحالي ودلوقتي بيكرر نفس الحكايه بالتهرب من تسليمنا العربيه على الرغم من توفرها وبيوزعها على الموزعين انا حبيت اسمع صوتي لكل مسئول.
مها حسن يوسف
