د/ عبدالله سعيد حماد دكتور عظام في سموحة محافظة الاسكندرية.
في شهر 11/2015 عملت حادثة ومراتي دراعها اتكسر بين الكتف والكوع عملنا اشعة وشافها قال هنركب شريحة و3 مسامير دخلت العملية وطلعت بشريحة طويلة و10 مسامير .المهم قال ان العملية نجحت وان الحمد لله ان في عصب متلمسش علشان كان ممكن يأثر علي الحركة .فات 3 شهور وقال نشيل العلاقة بتاعة الدراع ونبدأ علاج طبيعي وده منغير اشعة ومن ساعة العملية مخلناش نعمل اشعة الا الاشعة اللي بعد العملية علي طول بس وده كان كلام الماعد بتاعه د/ ابراهيم الدالي. بعد 5 شهور رحت عملت لمراتي اشعة بعد احسها بالم من ساعة العملية وماشية بمسكنات ده غير ادوية تانية ومبتعملش حاجة. وبلغنا الدكتور بالاشعة قال مين اللي قال تشيل العلاقة وتعمل علاج طبيعي خليها توقف العلاج الطبيعي وتعلق دراعها تاني وطلب اشعة مقطعية وبعد لما شاف الاشعة قال ان في لحام 70%. النهاردة فات 9 شهور ورحنا لكذا دكتور وكلهم قالو ان العملية اتعملت غلط ولازم تتعاد ويتاخد عظمة من الحوض وكان لازم الموضوع ده من الاول لان اعادة العملية مش شرط تنجح زي لو كانت من اول مرة . والاهم بقي ان الدكاترة التانيين قالوا ان نسبة اللحام بعد 9 شهور صفر والمساعد بتاعه يقول اصل اللحام ده حاجة نسبية من صفر الي 70% ومسميها نسبية. لا وكمان اول مطلع من العملية قبل حتي منشوفها يقولنا فين الحساب .واسف للاطالة.
ملحوظة زوجتي دكتورة اسنان وده دراعها اليمين.
هاني اسماعيل ابراهيم
