اسمى وليد ابراهيم صادق اسكن ب 15شارع عاطف السادات من شارع عمر بن الخطاب .بيجام شبرا الخيمه . عندى شلل اطفال . متزوج ولدى ولد وبنت .. من زمان وانا نفسى يكون عندى تليفون ارضى علشان اشترك فى خدمه الانترنت . ولما جيت اقدم على التليفون . الجيران قالو لى ان السنترال مفهوش انترنت . طبعا مصدقتش وقلت دى اشاعات لان الانترنت بقى فى الدنيا كلها اشمعنا السنترال بتاعنا. قمت فعلا بتقديم للتليفون وبالطبع جالى . ولما جيت اقدم على خدمه الانترنت . قالوا لى ماينفعش . وطبعا بعد دوخه هنا فى سنترال بيجام . وسنترال شبرا (بشارع شبرا) عرفت الحقيقه الصعبه والغريبه . ان الشارع بتاعى وحوالى 8 شوارع اخرى خطوط تليفونتهم ركبه على الكبينه القديمه ( وهى خطوط فيبر مش نحاس ) وطبعا الفيبر ماينفعش يركب عليه الانترنت .(على حد قولهم ) . من ساعتها ومحدش عارف يحل المشكله دى . والناس والجيران قالوا احنا جرينا كتير واشتكينا كتير وبرضه محدش عمل حاجه . حاولت تهدئه الناس ( طبعا لان بعد الثوره الكل عايز حقه حتى ولو الطريقه دى غلط) . لانهم فى الاول والاخر دى شركه اتصالات ولازم الناس (العملاء) ياخدوا خدمه كما يجب . مش زى زمان ( هو كده الى عندنا واذا كان عجبك) . ارجوكم . ر جاء من شخص عايز يحل مشكله اكتر من 600منزل . غيروا الكابينه الى عامله مشكله دى . اللهم انى قد بلغت اللهم فاشهد.
إخلاء مسؤولية: موقع شكاوي المواطنين غير تابع لاي جهة حكومية في اي دولة، ولا يتحمل موقع شكاوي وهموم المواطنين باي شكل من الاشكال المسؤولية عما ينشر من شكاوي على صفحاته، وكل ماهو منشور وما يتم نشره يقع تحت طائلة المسؤولية الادبية والقانونية لمقدم الشكوى وكاتبها سواء ورد في التعليقات او في محتوى الشكاوي نفسها