الاستهتار في مستشفى 6 اكتوبر بالدقي

يا جماعه لو سمحتو حد يشوف حل في الاستهتار ده
مستشفى 6 اكتوبر بالدقي دي فيها دكاتره في قمة الاستهتار والممرضات نفس الكلام وخاصة في الاستقبال وخاصة اخصائي الباطنه اللي اسمه احمد دول ركبو لابويا الكانون غلط وورمولو دراعو وكانو عايزين يمشوه برغم ان عنده نزيف داخلي وكان ممكن يوصل للمخ وكان ضغطه 60/40 ودكتور الباطنه اللي اسمه احمد كان عايز يمشيه وقالي مفيش سراير فاضيه ولما طلعت ولقيت فيه سراير قولتله قالي انا عندي حالات اهم من حالة ولدك وقال ان ابويا كويس مفيهوش حاجه وكسل انه يعمله باقي الاشعه ولما اخدته وطلعت عشان يتنقله دم الدكتوره قالتلي ده عنده نزيف داخلي ولو كنتو روحتو بيه كان هيوصل للمخ ولازم يقعد في المستشفى وحد فيكو يستنا معاه ياخد باله منه (امال فين الممرضات اللي بتسهر على راحة المرضى زي مبنسمع) انا قعدت معاه لحد ممات قدام عيني ومن ساعتها وانا بدعي على كل اللي كان السبب في موت ابويا وارجوكو الحقو مصر والشعب من ايدين الجزارين المستهترين دول اما بخصوص الدكتور احمد فانا بدعي عليه في كل صلى ربنا ينتقم منه (انا مستغرب ازاي ناس مسئوله عن ارواح بشر تكون بالشكل ده دول هما المفروض ملائكة الرحمه امال بيدرسو ايه في الكليه اللي اتخرجو منها نفسي افهم ) ابويا الله يرحمه قالي قبل ميموت ان الفقير في الزمن ده والبلد دي لو تعب يموت احسنله وانا مكنتش فاهم كلامه بس فهمت بعد ممات والشيء اللي يضحك انه بالرغم انه كان تعبان كان في عناية متوسطه مش مركزه ارجوكو الحقو الناس الحقونااااااااااااا