تعيين اوائل الخريجين بالجامعات

د.صفوت النحاس ووزير التعليم العالى :-
ظلم وفساد مشروع  تعينات اوائل الخرجين :
شوف حضرتك دى مشكلتى ومشكلة الالاف من الطلبة اوائل الخرجين  بيقولوا فى وزارة التعليم العالى وفى اكاديمية البحث العلمى وفى جهاز التنظيم والادارة انه يتم الان تعين العشرين الاوائل فى كل جامعة من كل كلية وعددهم 47 الف طالب  واخر ميعاد للجامعات لتسليم الكشف بالاسماء  يوم 1من شهر يوليو الماضى  ولا ينظر لاى كشوفات معدلة بعد ذللك وهذا الاعلان موجود على موقع اكاديمية البحث العلمى والتكنولوجيا ومختوم ايضا

فى شهر 6 الماضى  عام 2011 قالوا  ان الجامعات تحصر اسماء العشرين الاوائل بدون المعيدين والمنح وحملة الماجستير والدكتوراه  فى كل كلية وبترفعها على موقع اكاديمية البحث العلمى كل واحد يشوف اسمه من الاوائل ولا .
بعد كده هنقدم لكم نموذج تكتبوا فيه بياناتكم وتبعتوه لنا مع صورة من البطاقة وصوره من شهادة التخرج

انا دخلت على النت وشوفت اسمى من العشرين الاوائل وفى شهر اكتوبر الماضى  كل واحد راح فرع جهاز التنظيم والادارة اللى فى محافظته وكتب النموذج اللى فيه بياناته وقدم الاوراق المطلوبة  والموظف اللى كان بيستلم مننا الاوراق كان معاه كشف فيه اسماءنا وقالوا لنا ابتداً من يوم 23/12 هيبدأ تسليم جوابات التعين فى جهاز المركزى  التنظيم والادارة  المشرف عليه الدكتور صفوت النحاس .
, المهم روحت انا وزملائى من جميع الكليات علشان نستلم جواب التعين وجدنا:
1-    ان حوالى 50% من الاسماء مستبدلة باسماء اخرى تماما ولم اجد اسمى من هذه الاسماء انا والكثير من الاوائل
2-    هناك بعض من الاوائل وجدوا اسمائهم ولكن ليس لهم بطاقات ترشيح للوظيفة والموظفين فى الجهاز المركزى للتنظيم والادارة قالوا لهم قدموا لنا تظلمات وهنبقى نرد عليكم
هناك اخطاء كثيرة جدا فى الوظائف مثلا الطالب الحاصل على المركز الاول  وظيفته اقل من الطالب الحاصل على المركز العشرين
3-فى ناس مش من الاوائل ولا من حملة الماجستير والدكتتوراه واسمائهم موجودة واستلموا جوابات التعين وهم من كليات الحقوق
عملنا ايه :-
1-روحنا لادارة الجامعة  كل واحد فى محافظته  وقولنالهم اسماءنا مش موجودة وفيه اسماء اخرى ردوا  ان الطلاب الحاصلين على منح الماجستير والدكتوراه عملوا مظاهرات واعتصمات علشان نضع اسمائهم مع الاوائل روحنا شايلين اسمائكوا ووضعنا اسماء اصحاب المنح والماجستير والدكتوراه بشرط ان يتنازلوا عن المنح ورسالة الماجستير ورسائل الدكتوراه علشان منوجعش دمغنا معاهم وانتوا بقى روحوا اشتكوا وده حصل بالاخص فى جامعة المنوفية واسيوط وحضرتك ممكن تتصل برئيس الجامعة وتتاكد منه  وفعلا عملوا ايقاف للرسائل و المنح  وده طبعا خراب لمستوى العلم فى البلد لان كل اللى كان بيعمل ماجستير اودكتوراه عمل ايقاف للرسالة وبكده الطبقة المثقفة الراقية المتعلمة فى المجتمع انتهت كمان اشترطوا على الدفعات القادمة ان لا تاخذ الماجستير والدكتوراه حتى نعطيهم الوظيفة وبكده المستوى العلمى للبلد هينحدر اصلا
2- وكمان الاسماء معدلة فى شهر 12 مع ان الاعلان الموجود على موقع اكاديمية البحث العلمى والتكنولوجيا مكتوب فيه ان الاسماء الموجودة عللى النت هى اللى هتتعين وكمان لا ينظر الى اى اسماء او كشوفات مقدمة بعد يوم 1 يوليو   ومختوم هذا الاعلان  ومع ذللك الاسماء اتغيرت فى اول  شهر 12
3-    قدمنا تظلم لجهاز  المركزى للتنظيم والادارة وقولنا لهم ان بدلوا اسمائنا باسماء اصحاب المنح والماجستر والدكتوراه ردوا احنا ملناش دعوة الاسماء اللى عندنا فى الكشف هى دى بس اللى هنعينهم حتى لو هم مش من الاوائل وحتى لو كانوا راسبين وحتى لو كانوا مش مخلصين كلية اصلا انا ملتزم بالاسماء اللى قدامى وبس
وان فى جامعات قدمت الكشف باسماء العشرين الاوائل فعلا وفى جامعات اخرى بدلت الاسماء باسماء المنح او باسماء حبيبهم

4- سالناهم فين الاوراق اللى احنا قدمناها وفين الكشف اللى كان مع الموظف اللى فى جهاز التنظيم والادارة فى محافظتنا اللى قدمناه فى شهر 10   قالوا احنا  معندناش اوراق ولا اى حاجة احنا عندنا كشف بالاسماء جالنا فى اول شهر 12

طب الورق اللى قدمناه راح فين  وكمان جامعة الازهر عملوا اعتصمات علشان  يتعينوا معانا قال لهم الدكتور صفوت النحاس  جامعة الازهر لسه بعته اسماكوا  يوم 23/12  ازاى جامعة الازهر لسه بعته الاسماء اذا كانوا مقدمين معانا فى شهر 10 كانت فين الاسماء من شهر 10 لاحد دلوقتتى

طب انا حالتى الماديه كويسه شويه  فى ناس تانيه من الاوائل واهلهم غلبانة وحضرتك ممكن تسال كان فيه راجل هناك عمال يتشاجر معهم فى الجهاز المركزى للتنظيم ويقولوا لهم انا بياع فى الشارع وولادى من جايبين امتياز مع مرتبة الشرف واسمهم مش موجود مع الاوائل ده ينفع

المفروض ان العشرين الاوائل يكونوا تعينهم من غير المعدين والمنح واماجستير والدكتوراه  والاوائل دول يتعينوا فى وظائف ادارية  اما اصحاب المنح والماجستير والدكتوراه يكون لهم مسابقة تعين اخرى يتعينوا فى الجامعات والمعاهد الخاصة وفى وظائف اعضاء هيئة التدريس فى الجامعات حتى يكملوا دراساتهم ويستفاد من خبراتهم العلمية  مش يشيلوا اسمائنا و يضعوا اسمائهم وكمان يطلبوا منهم عمل ايقاف للمنح ولرسائل الماجستير والدكتوراه

روح واسال الطلبة واتاكد وشوف التظلمات كام واتصل برئيس  الجامعةا المنوفية واسالوه  هيقول دى اعداد بسيطة اللى بتشتكى والله ابدا واحنا الالاف  من الاوائل انزل واسال بنفسك

حاسس ان تعبى اللى تعبته اربع سنين راح منى على الجاهز لناس  تانية على الجاهز امتى هناخد حقنا فى بلدنا احنا بنعمل كتيرلمصر بلدنا  وهى مبتقدملناش حاجة  اخواتنا استشهدوا فى الثورة و احنا من الاوائل وبنشتغل بالاجر والله والله والله جزء من الاجر اللى بخده كل شهر تقريبا بتبرع بيه للبلد علشان نرفع مصر بلدنا وهى بتنزلنا ومبتعطيناش حقنا  انا وزملائى قررنا لو مخدناش الوظيفة هنسيب البلد ونسافر ناخد حقنا من بلاد بره
جامعة المنوفية كلية الحاسبات والمعلومات دفعة 2010 وده رقم موبايلى 01061648358
عايز ابسط حقوقى فى بلدى مصر اللى بحبها