جراحة المخ والاعصاب بمستشفى المجمع الطبي طنطا

الوالد الفاضل / الاستاذ الدكتور : أحمد عماد الدين راضى وزير الصحة
الوالد الفاضل / الاستاذ الدكتور : علي حجازي مدير التامين الصحي بالقاهرة
الوالد الفاضل / الاستاذ الدكتور : احمد جمال المسدي مدير فرع الغربية للتامين الصحي بطنطا
الوالد الفاضل / الاستاذ الدكتور : جمال السباعي مدير مستشفى المجمع الطبي بطنطا
الوالد الفاضل / الاستاذ الدكتور : احمد مفرح سالم .. رئيس قسم جراحة المخ والاعصاب
تحية طيبة وبعد ،
اغيثونا من الاهمال الشديد بمستشفى المجمع الطبي بطنطا محافظة الغربية حيث دخل والدي مجدي وليم بشري المستشفى يوم الاربعاء 8/11/2017 لاجراء عملية استئصال غضروف قطني بعد ان عانينا الامرين فى طريق التحويلات من بسيون الى كفر الزيات الي طنطا وعانينا تاني فى اتمام الفحوصات وظائف الكبد والكلي وعينة الدم الكاملة وتحليل النزيف و رسم قلب وسونار على القلب. وبعد ما عملنا كل التحاليل دي بالمرمطة والتأجيل واعطاء المواعيد وصلنا لمرحلة دخول المستشفى حيث لاحظنا تجاهلا شديدا فى التعامل معنا افتكرنا في الاول ان المعالملة دي علشان احنا اقباط لكن عرفنا ان المعاملة دي علشان مفيش اصلا نواب في قسم جراحة المخ والاعصاب بالمستشفى وان اللى بيقوم بشغل نواب المخ والاعصاب هما نواب العضام رغم ان المستشفى زي ما عرفنا بيجيلها حوادث ازاي بيجليلها حوادث ومفيهاش دكاترة مخ واعصاب مش عارف بصراحة واستحملنا علشان ما نقدرش نتحمل تكالبف عملية زي دي برة ولما دخلنا المستشفى والدي كان ضغطه عالي ومفيش حد عبرنا وقاله يا ليلة سودة. وتن ضغط ابويا عالي طول الليل وصام من 7 بالليل ومعاد العملية كان 9 الصبح وابويا كان متوتر جدا وقضينا الليلة بالطول او بالعرض لحد الصبح جالنا دكتور احمد مفرح واخبرنا ان العملية اتاجلت للساعة 12 علشان الاستشاري هييجي متاخر وانتظرنا لحد الساعة 12 وجم فعلا خدوا ابويا للعمليات وكانت اعصابة باظت تماما قعدنا نهدية وبعد ما نزل العمليات ومر اكتر من ساعة لاقيناهم بيتصلو بينا وبيقولولنا ان تحاليل ابونا وسونار القلب وكل التحاليل اللى قعدنا اسابيع نعمل فيها كلها ضاعت وكام واحد قعدو يدورا على التحاليل فى كام مكان كدة وما لاقوهاش فى الاخروطلعو ابونا فى الاخر لاوضته تاني بعد ما كان انهار خالص واجلو العملية اسبوع لحد ما يعملو التحاليل ولما قلنا ان سونار القلب بياخد دور بعد 3 اسابيع قالو انهم ممكن يعملوه فى المستشفى وطلبو تحاليل غدد وحاجات كدة ما كانتش مطلوبة فى الاول
نرجوو الاهتمام بالمشكلة واذا كان قسم جراحة المخ والاعصاب مافيهوش دكاترة اقفلوه وحولونا لمستشفى تانية يكون فيها دكاترة ووقفو دخول الحوادث المستشفى علشان ما يموتوش ومين اللى هيعوض والدي عن الحالة اللى هو فيها دلوقت دا احنا ما سدقنا اقنعناه يعمل العملية دلوقت حالته وحشة جدا
وهل هو ده الاكرام لموظف على المعاش بعد انتهاء مدة خدمته انه يتبهدل البهدلة دي كلها انه يصوم تماما من 7 بالليل لحد تاني يوم 4 قبل المغرب يعني 21 ساعة صايم وكان هيموت من العطش والجوع
واذا ما كانتش المستشفى هتعمل لوالدي العملية وبتعمل الحركات دي علشان نعمل العملية على حسابنا فاحنا نموت من الجوع وابونا ما يتالمش.
بولس مجدي ويليام