وزارة الاسكان والتعمير : مصريين بحاجة لشقة

انا المواطنه رجاء
اقطن فى فيكتوريا 80 ش بن عقيل امام نادى البنك الاهلى المتفرع من ش الجلاء اسكن فى حجرة وصاله مشتركه بينى وبين جارتى والحمام والمطبخ كذلك مشتركين ولدى من الاطفال ثلاثه وتقدمنا للحى بطلب للحصول على شقه ويحضرو يعملوا معاينه ويمشوا دون جدوى والاخر لجئنا الى الاسكان المركزى لتقدم للحصول على شقه دوخونا السبع دوخات والاخر قبلوا الورق واخذوا مننا مقدم 5000 جنيه وعملوا قرعه وعرفنا الشقه والدور والبلوك وقالوا روحوا الى البنك لتكملة الاجراءت لجئنا الى البنك قالوا ما ينفعشى علشان الزوج واخد قرض لازم يدفع 6000 جنيه للحصول على شقه فوق ال 5000 وقام زوجى باستكمال القرض ليدفع لهم المبلغ وبعد سنه ونصف قالو تعالو خدوا الفلوس ليس لكم شقه عندنا لازم تدفعوا ال 35000 بالكامل هل لدى موظف بالدخليه وبالامن المركزى يحتكم على هذا المبلغ انا اولادى بياخدوا ابر بنسلين بسبب الرطوبه الى تحت بئر السلم حراااااااااااام كفايه ظلم دا احنا فى بلدنا ومش عارفين ناخد حقنا اقسم لك ياسيادة وزير الاسكان اولادى لا يروا الشمس الا وهم فى الشارع الحجرة لا يدخلها شمس ربنا النور بيفضل شغال من ساعة ما نقوم من النوم الا ان ننام تانى ارجوا من سيادتك النظر الى شكوتى انا لا اطلب المستحيل والله ومعى 11000 الى رجعتهم من البنك بدعى من الله ان اجد عند سيادتك حل لمشكلتى وادفع المبلغ ويتم تقسيط الباقى علينا رئفه بأولادى البنت الكبرى عندها سبع سنوات والولد عنده 4 سنوات والاخيرة لسه مولودة الرحمة ياسيادة الوزير ارحمو من فى الآرض يرحمكم من فى السماء