حجزت شقتين انا وابنتي في شركة اسكندرية للتشييد والبناء ومقرها شارع عبد السلام عارف -جليم والشقق في برج العرب وبعد المماطلات وعدم التسليم بالموعد فسخنا العقدين واعطونا شيكات مؤجلة شهريا لمدة 6شهور وطبعا الشيكات اكتشفنا انها بدون رصيد ولجأت لكل الطرق السلمية لاسترداد الفلوس ولكنهم لم يبالوا والكل يخوفني لو اشتكيتهم بالنيابة لن اطول اي شيء منهم لان الشكوى تستغرق سنوات ودون جدوى اعمل ايه انا سيدة مريضة بمرض خطير واحتاج لمصاريف واحتاج ان استرد اموالي انا وابنتي ماذا نفعل ارجوكم سرعة الرد
شكاوي المواطنين المصريين شكاوي بلدنا
نصب شركة الاسكندرية للتشييد والبناء
اضيف بتاريخ: Friday, March 23rd, 2012 في 17:41
كلمات شكاوي المواطنين: الاسكندرية, شكاوي المواطنين, مصر
طبعا من ٢٠١٢ لم استلم فلوسي اللي دفعتها. بس اعتقد بعد ياس وتفكير عميق
انا مش مسامح ومبسوط جدا ان ده حصلي في الدنيا علشان ربنا ياخد حقي في الاخره من الكفار دول. مش بس الشركه ده مفيش شخص عبر حد ولا حتى اعلان طلع للناس اللي دافعه.
حسبي الله ونعم الوكيل في كل شخص مشترك في الموضوع حتى لو بنقطه مش حرف. ومش مسامح الى يوم الدين .
حسبي الله ونعم الوكيل
حسبي الله ونعم الوكيل
ربنا يجيب حقي ولو اتسالت يوم القيامه علشان اسامحهم برده مش مسامح.
حسبي الله ونعم الوكيل.
حد يا جماعه عنده فكره ايه الاجراء الواجب فى موضوع اليكس ستار . ببرج العرب بتاع شركة اسكندريه للتشييد والبناء
انا شاريه شقتين من شركه الاسكندرية للإنشاء الا في جليم علي التوأم رحت عشان اسأل ايه الوضع انا شاريه الشفتين في مشروع اليكس ستار في برج العرب من ٢٠٠٩ وروحت مقر الشركه لاقتها متشمعه بالشمع الأحمر ومش عارفه اعمل ايه ولا عارفه أوصل لأي حد . للاسف كنت بره مصر و فوجئت ان الشركه نصابه . يا ريت حد يقولي اعمل وايه الوضع مع الشركه دي وفلوسنا مصيرها ايه . اَي خد يرد علي ويقولي عمل ايه
حد عندة اي معلومات عن شركة اسكندرية عن عمارات سموحة انا شارية عندهم و في مشاكل جامدة و بيقولوا الشقق متباعة لاكتر من حد
الشركة قامت بالنصب علي كل حاجزي سيتي بالاس سموحة اثنين ببيع جميع الوحدات مرتين وثلاثة مرات لا كثر من فرد وتوقف اعمال البناء في الموقع تماما.
السلام عليكم
عندي وحده بمدينتى وبها مشكله كبيره في السباكة وعملت أكثر من شكوى ولا حياة لمن تنادي وبشتكى من 6/2013حتى الآن ولا حد هنا مع العلم انى مشطب دهانات وجبسمبور خاصه ووقعت كلها داخل وخارج الوحده وبقيت ولا كأنه شربت
اقدم النصيحة لكل شخص يحاول ان يفكر لمجرد التفكير فى شراء شقة من شركة إنشاء للنصب وألإعتداء بالضرب على العملاء الذين يفكرون فى إسترداد حقهم إذا اكتشفوا عملية النصب فقد حدث بالفعل هذا فضلا على ان الموظفين بالشركة غير محترمين بالمرة سواء شباب او نساء إنهم بلطجية يتعاملوا مع العملاء بأسلوب بلطجية الشوارع وألأسواق . نصيحة إبتعدوا عن هذه الشركة مجموعة البلطجيةوتربية الشوارع والأسواق
شركة اسكندرية للتشييد والبناء شركة نصب حتي الان لم ينتهوا من مشروع aAlex star اللي مفروض كان يخلص في 2010 كل اللي عملوة انهم بانيين 3 عمارات في الصحرا وكل ما نتكل معاهم يقولوا هانشتغل بعد شهر وبقالنا عللي كده اكثر من 5 سنيين مع العلم بانهم في 2012 ضحكوا علينا وهددونا بفسخ التعاقد واخدوا كل الفلوس بتاعت الشقق ارجوكم افيدونا نعمل اييه علشان احنا كده اتنصب علينا
ياجماعه انا عايز اقولكم على حاجه الاخ عمرو عبدالعزيز صاحب شركة الاسكندرية لتنمية المشروعات موجود دلوقتى فى مديرية الامن بالاسكندرية لانه نصاب دولى وعليه احكام بالنصب والتزوير يبقى اخو خالد عبد العزيز صاحب شركة اسكندرية للتشييد والبناء وشركة رمال العقارية
انابرضو للاسف مشتري منهم فالعجمي من 2006 المصيبه فى المقيسات حتى اليوم لم يتم عمل اى شىء فى مقياس المياه او الكهرباء رغم ان الشركه محصل جميع مبلغ المقياسات من كهرباء ومياه ومصاعد اضافيى رغم كل ذلك لم تقم الشركه بوجبه وتم الذهاب الى الشركه من حوالى ٥ ايام انا وبعض السكان وعملنى مشكله فى الشركه وتم ازعاج لسكان العقار من ارتفاع اصوتنا فى الشركه لمطلبه بحقن فارجو من صاحب الشركه الالتزم او الانفجار فى وجهه يوم ما
السلآم عليكم ورحمه الله وبركاته
تعاقدت مع الشركه من عام 2007 وتم دفع الدفعات المطلوبه قبل موعدها !
أولآ وقبل كل شئ بالنسبه للأشخاص الموجودين يتشالوا على الرؤس * أما بالنسبه للتسليم والإلتزام بالمواعيد والتنفيز والأمن والأمان بالمشروع فبكل أدب وإحترام لآلآلآلآلآلآلآلآلآ يقيموا بشئ ! ! ! وإن كنت لآ أرجوا لهم هذا ! فقد كان يمكنهم أن ينالوا الكثير لو إلتزموا فى كل مشروع ولآ يلبسوا العملآء الآمؤخذه ويسوفوهم ويعطلوا لهم مصالحهم ! للآن وكما قال الكثيريين من الملآك العماره رقم 2و1 لم يتم تشطيبهم ولآ تركيب المصاعد وفتحاتها على البحرى ليسهل سقوط الأطفال والكبار منها ! للعجب أن الفرندات والشبابيك لم يتم تركيب الحديد أو البيارق الخاصه بها ! وهذا من مسؤليات الشركه لتوحيد الواجهات !
آآآآآمل من الشركه الموقره أن تهتم بتحسيين صورتها بخدمه ومصداقيه لتستمر وتكون للأفضل لأنى وجميع الملآك متضررين من الآخدمات التى لآ تقدم وغلإهمال فى المواد التى تأتى بها الشركه ولم يتم تركيبها وتهمل حتى تخسرها الشركه ولآ يستفيد منها الملآك * آمل أن تكونوا على قدر الثقه التى وضعناها بكم وأن يوفقكم الله لما فيه رضاه *
مع الشكر الخاص لجماعه المسوقين واخدمات العملآء لإسلوبهم المحترم الذى جعل الكثير يضع ثقته بالشركه * ولكن مع نصيحتى لكم بالإهتمام لإستعاده ثقه العملآء * لأنهم سيكونوا أدوات هدم لمسقبل الشركه لما سيسوقونه لها بعد هذاااااااااا*
والسلآم عليكم ورحمه الله وبركاته *****
نصب شركة الاسكندرية للتشييد والبناء
نحن من حاجزي مشروع alex star ببرج العرب والمسمي بمشروع مبارك للشباب حجزنا وحدات في عام 2008 ومن الفترض طبقا للتعاقد ان يكون التسليم 2010 فوجئنا بالشركة تهددنا اما بتسلم الوحدات او فسخ التعافد في 2012 بالرغم من ان المشروع لم ينتهي منه سوي المرحلة الاولي بلا مرافق او سور للمجمع السكني بل هو عبارة عن عمارات بالصحراء وحتي الان لم يم العمل وتتحجج شركة الاسكندرية للتشييد والبناء بان التعطل نتيجة روتين جهاز برج العرب اما جهاز برج العرب بسؤاله يقول ان الشركة متعثرة ولم تدفع الاقساط المستحقة عليها ونحن المتضررين حيث اننا استلمنا شققنا بالغصب ولم يتم استكمال المشروع وفقدنا اموالنا (من فضلكم افيدونا بما نفعل)
شركة نصابين بشهادة جهاز برج العرب.احنا كمان مشتريين منهم شقتين بالجنينه فى مشروع alex star ببرج العرب من سنة 2008 على أساس انه كومباوند محترم و فيه حمامات سباحه راحوا هما بنوا 4 عمارات فقط من المشروع فى وسط الصحراء بيحيط بيها القمامه والكلاب بقالهم 3 سنين على الوضع ده.واتصلوا بينا هددونا انه لازم ندفع المبلغ المتبقى كامل لأنهم حيسلمونا الشقه لأن العماره اتبنت خلاص و احنا طبعا رفضنا لأن الكومباوند متعملش أساسا.بس هددونا بسحب الشقه منا لو مدفعناش لأنه مكتوب فى العقد بند فى صالحهم فى هذه النقطه.و فعلا ادينالهم فلوس الشقتين كاملة من 3 سنين و الوضع ذى ما هو و مفيش أى بوادر لانهاء المشروع لا معدات ولا مهندسين ولا حفر. مش عارفين نعمل ايه.. 300 ألف جنيه كده مرميه فى الصحراء.. لا عارفين نستخدم الشقق و لا عارفين نبيعها و لا نسترد فلوسنا…. بس احنا عارفين المحامى فريد الديب و جمعنا نفسنا ناس من المشتريين فى المشروع و حنرفع ان شاء الله عليهم قضيه…خصوصا بعد ما عرفنا من جهاز برج العرب انهم شركة نصابين و متأخرين فى دفع الأقساط و الجهاز حيسحب منهم الأرض.. ان شاء الله حنوريهم.
هو ترخيص مشروع سيتى بالاس العجمى مترخص حتى الادوار النهايه ام لا …. ارجو الاجابه
أنا مشترى شقه من سنة 2008 فى مشروع سيتى بالاس العجمى المفروض استلمها من سنة 2010 لحد دلوقتى الاسانسير مركبش وكانو عاملين سقالات ساده مدخل العمارة ولما كلمت مدير المشروع المهندس حسام الباشا قالى اطلع من العمارة اللى جنبها بالاسانسير لحد السطح وانزل لعمارتى بعدها دلوقتى اغسطس 2013 والعمارة لسه مخلصتش ولا الاسانسير اتركب رغم انى وقتها كنت ممكن اشترى من اى شركة تانيه بس قولت يمكن الشركه دى تحترم المواعيد لا والاجمل ان فى الشتاء كل الامطار بتدخلى من الشبابيك
السلام عليكم ورحمة الله وبركاته انا صاحبة الشكوى الرئيسية ونظرا لمرضي الشديد حاولت اكثر من مرة الدخول على الموقع لاعتذر لشركة اسكندرية للانشاءات ولكني لظروف مرضي لم استطيع الدخول أنا لاانكر فعلا اني في وقت من الاوقات قدمت شكوتي هذه نظرا لمروري باوقات عصيبة جدا جعلتني اكتب شكواي لاني كنت افتقر لطريقة للتواصل معهم ولكني عندما ذهبت للشركة وحاولت الاتصال بالمسئولين في الشركة وجدت منهم صدى طيب وتعاون وبخاصة مع الاستاذ عماد مسئول الحسابات بالشركة توصلنا لحل يرضيني جدا وخلال فترة بسيطة تم استرجاع كل المبالغ للشقتين دون اي نقصان بالرغم من وجود بند في العقد يحق لهم خصم نسبة معينة عند فسخ العقد ولكني استرديت المبلغ بالكامل وانا اعتذر عن شكوتي ولكن عزائي هو الحالة المرضية والحالة النفسية التي كنت امر بها في تلك الفترة واقدم اعتذاري لكل موظفي الشركة ورب العالمين يغفر لنا جميعاً فهي والحق يقال شركة محترمة وموطفين غاية في الرقي ولكن ظروف البلاد هي من جعلت مواعيدهم تتأخر بالاستلام ولو حدث ان عملوا اي مشروع تاني والله بكل فخر وثقة باتقدم للحجز مرة تانية واتمنى ان يتقبلوا اعتذاري
انا حاجزت من الشركه دى فى السيوف ف مشروع اسمه ابراج اسكندريه 2 عند الشهر العقارى وبرضه كان عندى مشكله ف الاستلام واتاخرت بس الحمدلله والله دلوقتى انا واخد الشقه ومتشطبه والاسنسيرات ركبه الصراحه هى مش بتنصب بس بتتاخر وانا اعرف ناس شغاله فيها عشان صاحبى هو اللى كان حجزلى بس انا والله بشهد شهاده حق ان الشركه مش نصابه بس هى ظروف البلد كلها
وانا بقولك راى فى المشكله ان انت تصبر عليهم بدل النيابه عشان السكه هتبقى طويله وانا عارف ان مفيش حد بيصبر على فلوس فى اقتراح تانى انك تشوف اى مشروع تانى خالص وتاخد فيه زى بتاع السيوف واحد او اتنين بس لو لقيت عشان المشروع ده متسلمين من فتره وربنا معاك
السلام عليكم انا كنت متعاقد على شقه فى العجمى و فسخت العقد … و استلمت فلوسى على شيكات مؤجله برده بس استلمت فلوسى نقدى بعدها لاكن الموظفين هناك محترمين جدا عمرى مكلمت حد و محاولش يحللى مشكلتى بالعكس دا الاستاذ عماد على و الاستاذ وليد مدير التسويق ساعدونى و استلمت فلوسى كامله من غير نسبه الخصم اللى فى العقد و دا كرم اخلاق منهم
الموضوع: مرت سنة و لم يدفعوا ال9 شيكات و يرضي مين ده – الله ينتقم منهم
حاولت بكل الطرق مع مكتبهم في الإسكندرية و تركت رسالة مع رقمي في الاستقبال لصاحب الشركة و كلمت عدة مرات مستشارهم القانوني و لكنه غير رقمه زى ما غير رقمه صاحب الشركة الأستاذ المحترم خالد عبد العزيز ثم إنني اتصلت على موبيل موظفهم الأستاذ عماد علي في الإسكندرية من شهور و لا يرد فبالله عليك لو كنت مكاني تعمل إيه؟؟؟؟؟؟؟!!!!!!!!
انابرضو للاسف مشتري منهم فالعجمي من سنتين التشطيب سئ للغايه مدير المشروع لا يعرف ادني معلومات عن ادوات السلامه
فاتحه اسانسيرين بعرض٨ متر مفتوحه بكامل العماره لسقوط الاطفال او الكبار
عاملين شاده لعمل سقف الميزان ساده مدخل العماره علي السكان بدون اي فهم لعمل ممر للسكان
للاسف كنت فاكرهم شركه كبيره واشتري منهم احسن من المقولين البلدي لكن للاسف مهندسينهم لايتمتعو بادني قدر من الاشراف علي مقاولين الباطل
اتصلت بالاداره اكثر من مره لكنها وعود فقط
انصح اي شخص بالتفكير جيدا قبل التعاقد مع هذه الشركه
اقدم لك النصيحة ايتها الاخت العزيزة
بان تحاولى ان تتفاهمى من الشركة أفضل من اللجوء الى النيابة وذلك لعدم استجابة النيابة فى الوقت الحالى وفى ظروف البلد المتعسرة.