الاسكان الاجتماعي بالعاشر من رمضان الشرقية

السلام عليكم ورحمة الله وبركاته..
انا مقدم في الاسكان الاجتماعي الاعلان الثامن بمدينة العاشر من رمضان بمحافظة الشرقية سنه ٢٠١٦ ودفعت المقدم ٩٠٠٠ جنيه،
ودفعت اربع اقساط نظام ربع سنوي كل ثلاثة اشهر ٤٠٠٠ جنيه بأجمالي ١٦٠٠٠ الف جنيه،
وبتاريخ ٢٤/٩/٢٠١٨ تم تحويل طلبي لبنك التعمير والإسكان فرع العاشر من رمضان بالفعل روحت البنك طلبوا مني افتح حساب فتحت حساب ودفعت المقدم ٢١٥٠٠ الف وقسط شهرى ٩١٠ جنيه لمدة عشرين سنه ودفعت المقدم زي ما طلبوا بالظبط،،،
وتم التخصيص بتاريخ ٨/١٠/٢٠١٨ روحت البنك طلبوا مني اعمل توكيل بالشهر العقاري وبالفعل عملت التوكيل وقالولي خليه معاك لما نتصل بيك او نبعتلك رساله ،،
في يوم ٨/١١/٢٠١٨ جاتلي رساله من التمويل العقاري اتوجه للبنك تجنبا لالغاء الوحده نهائيا،،
لما روحت البنك قالولي طلبك مرفوض من الوزاره ومتقلقش احنا هنشتغل على الملف عادي،،
كلمت التمويل العقاري وقالولي طلبك معلق مش مرفوض بتاريخ ٧/١١/٢٠١٨من البنك مش الوزاره بسبب عدم رغبتي في استكمال الاجراءت،،
اي منطق يقول انه انا مش عاوز اكمل الاجراءت وانا دافع الفلوس وفاتح حساب وعامل توكيل للبنك،،
ملحوظه: للعلم انا يوم ٧/١١/٢٠١٨ كنت في البنك وسألت علي حاله الطلب بتاعي عادي وقالولي انتظر لما نكلمك او نبعتلك رساله ولا كان في تعليق ولا رفض معني كده ان اللى حصل معايا ده غلطه من موظف انا مليش ذنب فيها ،،
اعمل ايه ساعدوني رجاء انا في اشد الاحتياج للشقه دي….
ورقم تليفوني : ٠١٠٢٥٠٠٤٩٩٠
ولكم جزيل الشكر……