مرتبات المعلمين المعينين بالحصة وبالعقد الشامل

السلام عليكم ورحمة اللة وبركاتة
واللةأنا عايز اقول حاجة أقسم لكم باللة العظيم ان جميع المدرسين المعينين بالعقد الشامل او الحصة مظلومين ظلم عظيم وهذا لا يحدث الا فى الدول المتخلفة والظالمة المفروض ان المدرس انة مربى اجيال  ازاى مرتبات ب 50 جنية ومرتب العقد الشامل بالمنيا لا يتراوح 300 جنية واللة العظيم انا لما بيسألنى احد العمال او احد الناس  العامة كم راتبك بأتحرج اقولة الحقيقة 235 جنية بأقول 750 جنية وباكدب لانى بأتكسف واتحرج أقولة الحقيقة أنا يا سادة خريجى اداب 1994 ومعايا دبلوم تربوى 2001 ومتزوج ومعايا 5 أولاد واللة العظيم [اقبض 270 بعد الزيادة باللة عليكم دة يرضى ربنا دة أنا نفسى ابكى بالدموع على حالى وحال الالاف من زملائى وأننى اكملت بالعقد الشامل للحين عامان وذلك بعد ان عملت بالحصة زمان من 1996 حتى 202 ومكنش فية فلوس اساسا بنقبضها ولا مان مكافأة امتحانات وكنا بنقبض كل 6 شهور اجر رمزى وخلاص علشان كدة سافرت قصدى هربت برة  لانى اجبرت على السفر كهروب من واقع مريررجعت من السفر منذ عامان ونصف والحمد للة حصلت عقد شامل منذ عامان وانا سمعت انهم هيثبتوا جميع من امضى عامان هل الكلام دة صحيح ام لا ياريت ال يعرف حاجة يبلغنى ويا ريت نكون يد واحدة ضد الظلم اذا لم يتم تعييننا كفاية واللة احنا بنحب البلد دى اوى ومحدش يعرف قيمة مصر ال ال بيسافر ويتبهدل برة زى ما اتبهدلت واصبح سنى يقارب الاربعين عاما واللة زملائى ال معاهم دبلوم معلميناو دبلوم 3 سنوات اصبحوا افضل منى بالرغم اننى كنت من أوائل الطلاب فى الاعدادية والثانوية كفاية ظلم خلاص مبقاش فينا نفس علشان نستحمل تانى
مظلوم مقهور حزين يائس ابن المنيا وابن مغاغة مدرس لغة عربية اعدادى بالعقد الشامل
01142740649