لا اتحمل المصاريف بسبب الزواج و القرض

بسم الله الرحمن الرحيم
أنا شاب عادي من أسرة متوسطة اللي هيا دلوقتي تنتمي للفئة الفقيرة ، عموماً بدون إطاله
أنا أخذت قرض من بنك بضمان وظيفتي ومرتبي علشان اجيب عربيه زي باقي الناس وارتاح من تعب المواصلات ولكن عرفت انه حرام إلا إذا كان للضروريات وليس للترفيه وذلك بناءاً عن إفتاء من دار الإفتاء المصرية قد قمت بإرسال استفساري وردوا عليا بهذا الرد.
المهم،، لما عرفت أنه حرام بعت العربية وبفلوسها تزوجت حتي تستقر حياتي بعدما كانت حياتي مدمرة لظروف عائلية، وطبعا أنفقت كل ما أملك في التجهيز، ولم أقم بعمل فرح ولا غيره، مش أكتر من زواج عادي جدا في مسجد.
المهم بعد زواجي طبعا المصاريف بتزيد جدا نظراً لظروف الحياة الغالية وأصبح مرتبي بعد خصم قسط القرض لا يعينني علي المعيشة
ماذا أفعل ؟؟؟؟؟؟؟
أنا طبعا عارف ان فيه ناس تانية عندها مشاكل اكبر مني بس والله تعبت ومش قادر علي المصاريف ومش عارف اجيب منين.
من يجد لي حل يرسل حله أرجوكم