حداد ومصنع للكاوتش مخالف بالغربية

نحن نسكن فى منطقة سيجر ارض الجمعية شارع محمد الجوهرى بمحافظة الغربية ويقطن امامنا عائلة تسمى اولاد ابو حشمت منهم شخص يسمى جمال ابوحشمت عنده مكنة تصنيع كاوتش بيشغله ليلا عند الفجر فقط لان البيئة تمنعة من تشغيله لانه مضر لصحة الانسان مبقدرش اخد نفسى لما بيحرق الكاوتش وكمان محدش من الحتة عارف يكلمه لانه مسجل خطر وعايش مع اهله كلهم مثله وبالاضافة الى ذلك مالى الشارع بالزبالة اللى بيحرقها ويعمل منها الكاوتش جايبة صراصير وفئران بتمشى ع الحيطان تدخل البلكونات وكمان فى المنطقة 3 سواقين اخوات بيركنوا عربيتهم النقل الكبيرة”الترلا” فى شارع واحد سدين الشارع مبنعرفش نركن سيارتنا منهم وبيسدوا الشارع على المارة لدرجة ان دكتور فى الجامعة كفيف انخبط فيهم وهو رايح يصلى الفجر وكمان حداد فى نفس المنطقة اسمه جمال صادومة طبعا فاهمين الماساة اللى احنا فيها