ضم مدة سابقة بقطاع التدريب حلوان في القاهرة

سيادة وزير الإنتاج الحربي ارجو من معاليك مساعدتي علي ضم مدتي السابقة كمدة خبرة لاني طالع معاش يوم 7/12/1960 وانا اب لخمس اولاد اربع بنات وولد منهم بنتين علي وش جواز وبقالي اربع سنين بجهز في بنت ومش قادر وادينت لطوب الأرض ومرتبي 1700 جنيه هل هذا مرتب مهندس عنده 59 سنه واجي اطلب حقي في المرتب وضم مدتي مسئول شؤن العاملين يقولي اشتكي هو انا عارف اعيش عشان اشتكي وادفع للمحامين ويهددوني أمنيا ورئيس الإدارة المركزية يقولي مدير أمن القطاع جالك معتش تكتب ويتريقوا عليا وانا راجل كبير مسن ويقولوا المحليات عايزة يعني يافندم اجي اطلب حقي يقولوا اشتكي وأما كتبت كلمتين يهددوني أمنيا اروح لمين ياافندم اخذ حقي ازاي ده انا ساكن بالايجار ب 1000 جنيه و اخد قرض من البنك وشاري حاجات من الجمعيه بالقسط يعني مرتبي ما بيفضلش منه حاجة ثم انا من الناس المشهود لها في القطاع بالعمل الدؤوب لرفع شأن القطاع مشرف القطاع في كل زيارة سواء التليفزيون أو الوفد السعودي تكون دي هي مكافأت انتظر ضم المدة والترقيه الي الأولي دون جدوي وأظل علي الدرجة الثانية وعند كلامي مع المسؤول يقولي اشتكي ارجو من سيادتكم النظر في شكواي بعين الأب لاب مثلك مش قادر يوفي التزاماته ناحية الولادة هل تدري سيادتكم معني ان الراجل نفسه تنكسر قدام أهل بيته لأنه مش قادر يعملهم حاجة احيانا بقعد باليمين من غير اكل ارجو من سيادتكم حل هذة المشكلة
مقدمه لسيادتكم
مهندس علاء علي الشربيني شبانة
قطاع التدريب حلوان
تليفون 01124932459