السلام عليكم ورحمة الله وبركاته
رسالة الى من يهمة الامر او بمعنى اخر شكوى الى سيادة
اللواء سالم حمدي (المدير العام التنفيذي لشركة المصريين لتوزيع الخبز )
حيث نحن سكان عمارت ابو الوفا منطقة جنوب الاحياء بالحى السادس مدينة السادس من اكتوبر بمحافظة الجيزة
حيث يوجد كل يوم من الساعة السابعة صباحا حتى الساعة الثالثة عصرا طوابير على كشك العيش رقم 31 بالمنطقة وخنافات وشتائم وتكسير فى الكشك ويكاد يمسكو كل يوم فى خناق المسئولة عن البيع وهى امسها ام ياسين بسبب ان العيش بيجى مثلا دور عيش بلدى مكون من كام طاولة عيش وبيخلص على طول واللى يسئلها العيش جاى امتى وخصوصا العيش الابيض الشامى تقولة جاى حالا انحنا اتصلنا بيهم انا لسة مكلماهم وجاين وعليها يا سادة من الحادية عشرة صباحا اقسم بالله حتى قرب الثالثة وذلك يوم الاثنين من الاسبوع الماضى الموافق 23/7/2012 على سبيل المثال لا الحصر حيث انا موظف حكومة وباجيب عيش فقط فى ايام الاجازات ولكن من الساعة الحادية عشرة الى الساعة الثالثة عصرا هل يرضى ربنا ذلك الكلام قولت ممكن يكون يوم اجازة رسمى ولا حاجة روحت يوم الجمعة برضة من قبل صلاة الجمعة والله العظيم حتى قرب الثالثة برضة لم تاتى عربية العيش لا بلدى حتى ولا افرنجى هل يرضى ربنا هذا الكلام وعلى فكرة برضة كانت الصراحة كل شوية البائعة ام ياسين تتصل ويقولو لها احنا جاين اهو وتذنب الناس معاها لكن هية قعدة فى الكشك جوة والناس قاعدة فى الشمس ولا يوجد ضلة خالص بس الناس كانت عاوزة تضرب البائة وتولع فى كشك العيش برجاء الاهتمام بالامر حيث يوجد كشك عيش واحد فى منطقة ابو الوفا حيث يوجد اكثر من 2000 الفى اسرة تسكن تلك العمارات
برجاء توفير كشك عيش اخر ناحية العمارة 142 بالاخص لانها ماسكة كذا عمارة امامها وبتخدم اسر كتير حيث فعلا كانو ناوين يولعو فى عربية العيش لو كانت جت الساعة الثالثة بعد الوقفة الكبيرة اللى وقفوها
وعلى فكرة بعد سؤال الناس اللى واقفة قالو ان كل يوم على النظام دا بيقعدو من الساعة السابعة صباحا الى الثالثة وهم وحظهم يجى عيش او ميجيش
والامر مفوض لسيادتكم لاتخاذ ما ترونة مناسبا
