يا جماعة نفسى بجد حد ينزل ويشوف حال شبرا الخيمة محافظة القليوبية والله انا بتكسف لما حد بيسألنى ساكنة فين، شبرا الخيمة يا سادة مليانة بالزبالة لدرجة ان لما الزبال بيتأخر يوم واحد عن معاده بتلاقى اهرامات من الزبالة فى كل شارع رئيسى وجانبى، والله حرام، ولا الصرف الصحى ومشاكله، ولا التكاتك اللى بقت اكتر من البنى آدميين، ومستوى مدارس الحكومة فى حالى يرثى لها، حتى مستوى الناس الاخلاقى والعلمى انحدر من كتر القرف اللى عايشين فيه، ارجوكم ارحمونا ارصفوا لينا الطرق ونظفوا شوارعنا وارحمونا من سواقى التكاتك والميكروباص، احنا اهالى شبرا الخيمة بنستغيث.. اغيثونا
شكاوي البيئة
شبرا الخيمة تغطيها تلال القمامة
اضيف بتاريخ: Thursday, February 17th, 2011 في 11:55
كلمات شكاوي المواطنين: القليوبية, شبرا الخيمة, شكاوي البيئة, محافظة القليوبية
اناواحد من المقيمين فى شبرا الخيمة عزبة رستم منذ 30 سنة ومكناش بنعانى من الزبالة علشان شركة كانت مسكها وبيخده الزباله من الشقق ولما الحكومة مسكتها ونزلتها على الكهرباء وبالاخص حى شرق شبرا الخيمة اصبحت الشوارع والمنطقة ازبل من الزباله وعلى فكرة مافيش مسئول بيتقى الله
أحنا مجموعه من الشباب نجتمع تحت شعار نهضة شبرا الخيمة وبنقول لكل واحد عايز يغير صورة شبرا الخيمة
من الازهان ملاحقة التلوث البيئى وننادى بالتوعيه الفكرية والثقافيه فى جميع المجالات المحيطة بنا فى شبرا الخيمة شاركنا بفكرك وشركنا أفكارنا
انا بضم صوتى لصوت الاستاذ اللى ارسل الاستغاثه والله الزباله من اول يوم بدئت فيها ثوره 25
لليوم مغطيه الشوارع وبقت شىء مقرب واكيد هتصيب الناس بالامراض اما المدارس الحكومى للاسف مش
مدارس دى اصلاحياات فيها كل انواع الاجرام من طلبه ومدرسيين
وزياده عدد التكاتك ترجع لمجلس المدينه اللى بيرخص لكل اللى يطلب يشترى تك تك لما وصل عدد التك تك اكتر من الناس
ربنا يكرمك يا مسئولين راعوا ضمايركم وابدوئوا عصر جديد من بعد ثوره 25