السلام عليكم ورحمة الله وبركاته
يارب حد يشوف بس الشكوى او يرد علينا ويحسسنا انى بشر ولسه عايشين فى الدنيا
يا جماعه انا محافظة سوهاج مركز البلينا نجع محمد على
اولا انا مش هتكلم كتير ولا هكتب شكوى مفصله انا هتكلم بلسان اى مواطن بسيط وعادى
انا مقيم فى المكان اعلاه والكهرباء بتفصل كل يوم مرتين وكل مره حوالى ساعه واتنين يوما يا جماعه احنا فى محافظة سوهاج ودرجات الحرارة بتتعدى ال 48 والشمس شديدة الحراره الاطفال مش بتستحمل الجو ده ممكن تموت لانى الكهربا بتفصل والجو حراره حتى مفيش نسمه هواء واحنا فى رمضان وكلنا صيمين
انا نفسى اعرف ايه السبب انا روحت للشبكه اللى فى المركز قالى اشتكى احنا مش فى ايدنا حاجه هى بتفصل من فوق نفسى اعرف يعنى فوق دى هو احنا عملنا الثوره عشان هنسمع كلمة فوق تانى ولا ايه
الاطفال ممكن تموت من الجوه ده
اتمنى من الله انى حد يهتم بالشكوى دى ويراعى الاطفال الصغيره فى جو درحات الحراره فيه غير عاديه فى قلب الصعيد
والكهرباء كل يوم تفصل صبح وليل لما الواحد مش عارف يعمل ايه
يسافر ولا يستحمل ولو هستحمل الاطفال دى هتستحمل اذاى
مش هقول غير ربنا يولى من يعدل
والسلام عليكم ورحمة الله وبركاته
