قطع الكهرباء بمحول الوحدة الصحية بمركز طوخ القليوبية

السلام عليكم ورحمة الله وبركاته
في قرية زاوية بلتان -التابعة لمركز طوخ -محافظة القليوبية – محول الوحدة الصحية
نعانى من الانقطاع المستمر للكهرباء بشكل يومي حيث تنقطع الكهرباء على مدار الساعة ونحن في شهر كريم وليدنا اعمالنا التي تتعطل بسبب هذا الانقطاع وقد تقدمت بشكوى لشركة جنبو الدلتا ولم يتم الرد عليها- وعندما اتصلت بمكتب الكهرباء فرع طوخ رد على احد الموظفين وقال لى تخفيف احمال قلت له تخفيف احمال إزاي عن محول واحد انا اعرف ان تخفيف الاحمال ده بيمشي بصفة دورة على المناطق يعني محول الوحدة الصحية بس هو اللى بيخفف احمال مصر قالى ايه ده هو النور قاطع عندكم انتم بس في المحول اللى عندكم انا بحسب قاطع في البلد كلها وقاللى تعرف فلان قلت ليه اه قاللى روح ليه وهو يقيد ليكم الكهرباء ويكأننا نعيش في نجع لكي لا تنقطع الكهرباء يبقى كل ماتقطع نروح لفلان علشان يقيدها لينا وده تسيب واهمال كبير ومايرضيش حد انا واحد من الناس بشتغل في الجامعة ورايا ابحاث لازم تتسلم وطبعا ده ماينفعش مع الانقطاع المستمر للكهرباء والموظف قاللى خلاص ابقى روح ليه وهو يقيد ليكم الكهرباء قلت ليه انى قدمت شكوى قبل كده وده مش يرضي حد قاللى رمضان كريم بقى
انا عاوز افهم بقى يعني ايه رمضان كريم يعني الكهرباء تقطع كتير علشان نقعد بقى على نور الفوانيس واللا ايه بالظبط؟
أرجو الاهتمام بهذا الموضوع وشكرا
مقدمه
محمود سليمان
معيد بكلية اللغات والترجمة
جامعة الأزهر