بيع الدقيق المدعم بمخابز الخانكة بالقليوبية

توجد كارثة بجميع المقاييس بمخابز القلج دائرة قسم الخانكة – محافظة القليوبية — وهي كل مخبز له حصة دقيق حسب الكثافة السكانية – المفروض ان هناك مفتش تموين يتابع المخبز يوميا – الأمر الواقع ان الدقيق يباع بالسوق السوداء وتقل حصة المواطن في الخبز المدعم – كل ده عادي لكن الكارثة بعد كل ده صاحب المخبز يبيع الخبز لأقاربه فقط وأحيانا المعارف لكن الإنسان البسيط الغلبان مبيعرفش ياخد رغيف واحد وعلى سبيل المثال مخبز النهضة لصاحبه يمارس ابشع انواع تعذيب الناس الغلابة واللي مش عاجبه يشد في حواجبه ولو حد حب يعبر عن مشاعر الغضب يبقى فيه شتيمة بأبشع الألفاظ والضرب منه ومن اقاربه الموجودين لحمايته والناس مش عارفة تأكل عيش – ولما تلاقي مفتشين التموين ييجوا يقبضوا المعلوم وياخدوا العيش المخصوص هتشتكي لمين – طبعا مفيش غير ربنا فأنا قررت الشكوى لكم بعد ربنا – وخطوتي الجاية ديوان المظالم – ثم هعمل المستحيل لأوصل رسالتي للرئيس لأن ده ظلم بين وشكرا لكم إن قرأتم رسالتي أصلا وسامحوني على الأطالة