الى وزير التربية والتعليم والابنية التعلمية ارجوا من سياتكم التوجة والقاء نظرة على مدرسة الشيماء الابتدائية بالمعادى الجديدة التى بها كراسى ودسكات متهالكة جدا لاتصلح بالفرش عليها لبيع الخيار ودورات المياة التى يقشعر لها البدن ان كان احد من سعادتكم يستطيع القاء نظرة سيصاب بالسكتة القلبية للمنظر
اتقوا اللة فى الاطفال اتقوا اللة اين تذهب الميزانية هل للمدير ام الى اين اين الصيانة الدورية اين الرقيب المدرسة كلها تحتاج الى نظرة وعاملة لدورات المياة او اثنين انا الكلام وقف فى حلقى مغموم من حال المدرسة ومكتئب انا مش هتكلم اكتر من كدة لانى عاوز صفحات وصفحات كفاية حرام عليكم حرام الطلبة امنة فى رقابكم
شكاوي التعليم
الاهمال بمدرسة الشيماء الابتدائية بالمعادى الجديدة
اضيف بتاريخ: Sunday, September 23rd, 2012 في 14:35
كلمات شكاوي المواطنين: القاهرة, المعادي, مصر, وزارة التربية والتعليم
ياجماعة فعلا المدرسة فى حالة فوضى فظيعة والديسكات فعلا كلها متكسرة ومخلعة من بعضها وده غير التراب اللى اولادنا كل يوم بيتلوثوا بيه فى صدرهم ويتعبوا .. المدرسة ولا فى اى عامل نظافة بيكنسها ولا ينظفها ولا يمسحها بجد فعلا ده حرام .. ده غير اولياء الامور طبعا بيدخلوا المدرسة ويقعدوا فيها كانهم هما الطلبة بالظبط بيفضلوا قاعدين لغيت اليوم الدراسى ما يخلص وغير طبعا المشاكل والخناقات مع المدرسين ومع غيرهم .. والله العظيم انا شوفت الكلام ده كله بعنيا ياجماعة .. واللى تجيب ولية امر غيرها من شعرها والفاظ اخر قلة ادب بجد ومينفعش ان اولادنا يسمعوها وغيره وغيره …..وطبعا غير المدرسين اللى لو الطفل مااخدش معاه مجموعة او درس خصوصى يتعامل معاملة زى الزفت طول السنة ويتهدد ان مش هيبقاله اعمال سنة …. ياجماعة ارجو الاهتمام بجد بالموضوع ده اتقوا الله فى اولادنا واولادكم وكفاية اوى لغيت كده بقى .. نفسنا نرتقى بالعلم بجد زى زمان .. وربنا المعين ان شاء الله والسلام عليكم ورحمة الله وبركاته