اخويا يعمل فى شركة طنطا للزيوت والصابون واتثبت ومطلوب منه استكمال ملفه من ضمن الملف الكشف الطبى اللى بيعمله فى المجمع الطبى بطنطا
دلوقتى هو عمل الكشف وكله تمام وكان التقرير انه يعانى من نسبه بسيطه فى التركيز يعنى نقص بسيط ولا يعوقه عن العمل
رئيس اللجنة رفض انه يختم الورق وطلب منه انه يغير وظيفته بدل عامل انتاج الى تعبئة او اى قسم اخر مع العلم انه رجع تانى عرضه على دكتور اخر وبرده التقرير كان نسبه بسيطة من التركيز ولا تعوقة عن العمل وبرده رفض يختم التقرير وبعته لدكتور ذكاء وكتب انه كويس ومع ذلك رافض تماما انه يختم الورق ومصمم يا نغير الوظيفة يا يكتب انه غير لائف طبيا
طيب واحد شغال بقاله سنه على مكن الشركة وكله بيشكر فيه فى الشركة
وكان شغال 3 سنين قبلها فى ورشة خراطة بيدرب مع المدرسة لانه معاه دبلوم تلمذه صناعية قسم خراطة معادن
اذا يقول انه مينفعش يشتغل على مكن وهو بقاله كل السنين دى بيشتغل على مكن مع العلم ان مكن خراطة المعادن اصعب واخطر من مكن الشركة
وكل التقارير بتقول انه سليم حسب ما قولت بالتفصيل
وكل دكتور كشف عليه قال انه المفروض يختم الورق لان هما كاتبين انه سليم يبقى ليه بيرفض انه يختم الورق
اسم الدكتور : حسنى جراده
ياريت الاقى رد سريع على الشكوى
