اهانه الاطفال بمدرسه العزيزيه الابتدائيه بالبدرشين

كارثه يقوم بها مدير مدرسه العزيزيه الابتدائيه
مدرسه العزيزيه الابتدائيه بالبدرشين محافظة الجيزة تهين التلاميذ وتجبرهم علي حمل كارتين الوجبه المدرسيه التي تزن قرابه ال25 كجم من والسير بها علي الاعناق مسافه 100 متر فاين التعليم ياوزير التعليم
اليوم الساعه 11 ص كنت امر من امام موقف العزيزيه فوجدت مدير المدرسه الاستاذ شاكر عبد الجواد يقف بجوار سياره الوجبه المدرسيه ويقوم بتحمل الكارتين علي اعناق التلاميذ الذين لم يتعدوا ال9 سنوات هل ارسلنا اطفالنا الي المدراس لاهانتهم وكرههم علي حمل هذه الاشياء لم يعجبني الموقف وتدخلت لايقاف هذه المهزله والمفاجئه ان سياده المدير يقولي وانت مالك ظننت انه كان سيوقف هذا العبث حالا ولكن خاب ظني فيه قد يكون منتفعا من هذه الشركه والمفاجئه الاكبر كانت من الاستاذ رجب زغلول يقول لي( ماهو الوجبه جايه ليهم ماهما اللي هياكلوها)
نحيطكم علما ياستاذ رجب ان الوجبه تدفع الدوله 800 مليون جنيه لتصل للطالب في الفصل علي الديسك بتاعه
والاغرب من ذلك الاستاذ عبد الرازق حامد ابو الجود بيقولي (ادفع يوميه عامل واحنا منخليش حد يشيل)
نحيطكم علما ياستاذ عبد الرازق ان الدوله تدفع لشركات توريد الاغذيه 800 مليون جنيه من الفلوس اللي احنا بندفعها للدوله علشان شركه التوريد تجيب عمال تنزل الوجبه والمدير يستلمها داخل المدرسه او لا يقوم بالتوقيع
الغريب في الامر هو ان تجد المدير والمدرسين لا يراعون كرامه الاطفال وانهم كلهم وقفوا في صف عامل التوريد علي حساب التلاميذ ليه
والاطفال اللي بتشيل دي ولاد ناس غلابه اما لو ولاد ناس مين اللي انتوا عارفينهم ماكنوش قدروا يعملوا كده شوفتوا تمييز وظلم اكتر من كده ومن مين (مدرسين التربيه والتعليم)
واخيرا اذكرهم بحديث رسول الله صلي الله عليه وسلم (ليس منا من لم يرحم صغيرنا ويوقر كبيرنا)