عبث بمدرسة علي بن ابي طالب المطرية القاهرة

جاء على الموقع الاليكتروني لوزارة التربية والتعليم المصرية ما يلي ” ثمة حقيقة اساسية فى مصر, تتمثل فى إيمان القيادة السياسية بأن التعليم حق ديمقراطى إنسانى لجميع ابناء مصر, وهو مدخل مصر الى التقدم, وقاطرة التنمية والنهضة, ووسيلة واداة لتحقيق سياسات الدولة فى التنمية والإصلاح الشامل لكل جوانب الحياة ” لكن لم يخبرونا من سيقوم بهذا التعليم المنشود المدرسة و لا البيت و لا مافيا الدروس الخصوصية .. ارجو نحديد الجهة بدقة علشان اوجه أولادي تجاها .. إن كان البيت أترك عملي و أروح أتعلم من تاني علشان اقدر أعلم أولادي و إن كان مافيا الدروس الخصوصية .. أروح أسرق علشان أقدر إجيب حق الدروس .. وإن كان المدرسة أسيب شغلي و اروح أتخانق كل يوم مع المدرس اللي مبشرحش حاجة و مكبر دماغه .. أرجو الإفادة من وزير التربية و التعليم .
فأنا أب لثلاثة أبناء بمدرسة علي بن أبي طالب الموجودة بشارع عمر المختار بالمطرية ( القاهرة ) و كل يوم بيرجع اولادي من المدرسة و معاهم أمر من المدرسين في كل المواد تقريبُا إني أحل معاهم و افهمهم الدروس ولأن طبعًا لا أنا و لا زوجتي نستطيع القيام بهذه المهمة فما علينا إلا الاشتراك في المجموعة المدرسية أو اللجوء للدروس الخصوصية .. ارحمونا حق اولادي في التعليم اجيبوا من فيين ؟؟؟؟؟؟؟؟؟؟؟؟؟؟؟؟؟