الفوضى بمدارس ادارة المنشأة سوهاج

معظم المدارس الابتدائية بإدارة المنشاة بمحافظة سوهاج تعمها الفوضى مما يعوق العمل و الانتاج وهنا سوف اتحدث بالاخص عن مدرسة النويرات الابتدائية و هي مدرسة فترتين الحصة الاولى و الاخيرة فيها ضايعين و مافيش طابور و لو كان الحظ كويس يكون فيه طابور غير منتظم و بدون إذاعة , الاولاد مش لاقيين مقاعد و لا تخت للجلوس عليها , مش بيستلموا الكتب غير بعد اجبارهم على الدفع , من النادر تلاقي حد يعرف يقرأ كويس في الصف السدس , المدرسة غير نظيفة, غير صالحة للاستخدام الأدمي . أغلب المدرسين بيروحوا قبل اليوم الدراسي ما يخلص و خصوصا بعد الفسحة مافيش غير الاقلية بيحاول يشوف شغله على الرغم من الفوضى عيال طالعة و عيال نازلة وفيه مدرسين مش بيدخلوا الحصص أصلا العمال لو قلت لحد فيهم تعالى نضف و لا حياة لمن تنادي تشكي للمسئولين يقولولك يا عم كبر و إذا جه حد زائر يتابع ازاي يدبروا أمورهم معرفش كل شيء تمام بس على الورق طب و ليه التأخير في الصبح مع ان الاغلبية قريب من المدرسة و ليه يروحوا بدريمع ان أخرهم12ونصف و ما خفي كان أعظم