نصب واحتيال بقرية العقلية العدوة المنيا

أنا من قرية العقلية – مركز العدوه – محافظة المنيا … الموضوع بإختصار أن الأساتذة مفتشى التموين والسادة اعضاء المجلس المحلى لقرية بنى عامر التابع لها قرية العقلية البهوات الفاسدين والمرتشيين يضللون الناس بالقرية فى أخذ قيمة أشتراك 4.50 جنيه على أساس أن دا اشتراك للعيش فى الشهر على أساس قيمة هذا المبلغ فى مقابل ان العيش يصل الى الناس فى البيوت من غير عناء ولا خناقات ولا تقطيع للناس بعضهم البعض على الرغم أن بالقرية ثلاث مخابز لكن للأسف هناك ناس مش بتأخذ عيش بسبب ان العيش مش بيفيض بسبب أن مخبز من الثلاثة يعطى جزء من حصته لقرية تانى والمخبز الثانى يعطى جزء كبير جدا لمركز الشرطة ونقطة شرطة بنى خالد والمخبز الثالث لا يستطيع أن يفى بكل احتياجات الناس بالقرية رغم ان فى ناس بالقرية اشد الأحتياج للخبز بدلاً من بلطجية الداخلية … وفى ناس مش بتأخد عيش بسبب أنها مدفعتش الأشتراك ….. والطامة الكبرى أن العيش مش بيوصل للناس بيوتهم واللى يتأخر عن الساعة 6.30 الصبح لا يجد عيش واللى يروح يأخد العيش يقف فى طابور وبهدله وفلة أدب وقلة قيمة والناس للأسف مش فاهمه حاجة والمعلمين بتوع التموين والمجلس لمؤخذة ” الأحه ” عارفين الكلام دا بس للأسف زى قلتهم وعلى الرغم يفرضون أتاوتهم 4.50 جنيه على كل اشترك … دا طبعا غير تعريص مفتشى التموين وكلاب المجلس دا غير كلاب الداخلية … برجاء أنقذونا وأنقذوا البلد من الفساد المستشرى فيها .. وأتقوا يوم لا ينفع مال ولا بنون إلا من أتى الله بقلب سليم