اعتداء مأمور ورئيس مجلس النوبارية على مواطن

انا مواطن مصري من مدينه النوباريه الجديده مصر اسكندريه الصحراوي الكيلو 80 حيت انه ابني كان يعمل سباك بمدينه النوباريه و وكانوا يجبروه انه يصلح للقسم السباكه ببلاش ويودوه عند المامور يصلحله فبيته ولمعارفه ببلاش واما اعترض لفقوا له تهمه مخدرات وفضل محبوس سنه وطلع برمنها برائه لانها كانت متلفقه ليه ولما مشي رئيس المباحث وصي عليه اللي بعده وهكذا اما ان يشتغل مرشد ليهم لان اخي سباك وبيدخل البيوت او يلفقوا ليه التهم وكل يوم يلفقوله تهمه شكل وبعدين اتفق محمد حنفي هو والمامور مع الامن اللي شغالين فجهاز مدينه النوباريه (الحي) واللي ماسكين الجهاز وهما عاطف جزر /ووائل رئيس امن الجهاز /ومدحت الحناوي اتفقوا مع محمد حنفي والمامور انهم ياجروا عرب الصحرا واسمهم ضيف وناصف ودول مشهورين بالاجرام و 32 من العرب اخرين لم نعرف اسمهم وكلهم مسلحين باسلحه وآلي غير مرخصه واتصلوا بابني وقالوله تعالي هات بطايق الناس الغلابه عشان نسلموهم شقق واستدرجواه الي جهاز المدينه وقام العرباوي ناصف بضر ابني علي ضهره بالدبشه بتاعه السلاح وقاموا بالاعتداء عليه بالضرب هو واحد اصدقائه وعندما خرج اخذته الشرطه وقامت بتلفيق محضر بلطجه بعد ضربه والاعتداء عليه بكل انواع التعذيب ومرفق بالتقرير الطبي وقامت بترحيله الي قوات خاصه امن دمنهور بمحافظه البحيره وتم احتجازه والاعتداء عليه وقاموا بخلع ملابسه ووضع مياه تحته وتكتيفه وضربه وتعذيبه كاننا فايام الفلول وحبيب العادلي وقاموا بتشويه وجهه حتي اننا لم نستطيع ان نري معالم وجهه وكل ده عشان رفض يشتغل مرشد ليهم والمهزله الكبري ان اخي طلب عرضه علي الطب الشرعي فرفض وكيل النيابه عرضه علي الطب الشرعي كما امر بحبسه 4 ايام وترحيله تاني دمنهور عشان ينبقي نستلم جثته وكمان كانو بيحطولهم فالحجز قنابل مسيله للدموع حتي ابني لايري من منهم الذي يعذبه فين العدل اللي وعدتونا بيه هي دي الشرطه وهو ده العدل انا عاوز حق ابني من الداخليه من محمد حنفي والمامور وعاطف جزر ومدحت الحناوي ووائل مدير امن الجهاز وانا عارف ان سيادتكم مش حترضي بالظلم وسايب شكوتي بين ايديك ومستني العدل وانتم عارفين كويس معني الظلم وعارفين كويس اللي بيحصل فالسجون وانا مش طالب غير العدل واي حد اعتدي علي ابني ياخد جزائه مقدم لسيادتكم احمد عبد العاطي المقيم بمدينه النوباريه طريق مصر اسكندريه الصحراوي ولكم جزيل الشكر